"Рубрик деч посна", 2016 ий, Сорла тылзын 8-ше кечыже

Сӧрастарыме арверже кече гай волгалтеш

Статьян авторжо Марина Богданова

Татьяна Ибатиева

Татарстанысе марий ялыште илыше самырык кидмастар Татьяна Ибатиева шер гыч сӧрал, чатка кӧржым, кидшолым, булавкым ыштылеш. Тудын пашажым ончен куанет веле огыл, а шке ыштен ончымет шуэш!

Татьяна – Шернур район Йошкар Памаш ялын ӱдыржӧ. Кидпашалан Марисола школышто тунеммыж годым шӱмаҥын. Труд урокышто крючок дене пидаш тунеммыжым Таня тачат порын шарналта. Тиддеч вара мыняр сӧрал, мотор салфетке-влакым пидын. А Марий кугыжаныш университетыште тунеммыж годым мочалкым ышташ кумылаҥын. Мо-гынат, кажне гана эре у кидпашам ыштылын.

Пӱрымаш самырык ӱдырым Татарстан кундемышке конден. 2013 ийыште пошкудо республикысе Арский район Шорамучаш ялышке марлан лектын. Идалыкаш ӱдырышт уло. Марлан лекмеке, йӧратыме пашажым монден огыл, а изи ӱдыржылан мотор пинеткым, кофтым пидын. Пӧрткӧргым сӧрастараш пӱкен шартышым, изи кӱпчык-влакым ыштылын. Но тиддене веле серлаген огыл, а ала-могай гынат у кидпашам кычалаш тӱҥалын.

«Интернетыштешкеыштымебулавке-влакымужым. Кузе ыштымым пален налаш манын, шуко материалым ончышым. Вара пашалан пижым. Кевытыш кӱлешматериалымналашмийымеке, булавкымышташ йӧршӧ ӱзгар-влакымшымму. Носадакшер-влакымналде шым чыте. Тыге мый икымшекӧржымыштен ончышым. Тудо мылам келшыш. Тиддеч вара эшеала-мыняр кӧржымямдылышым. Вара шер гыч кидшолым ышташ кумыл лекте. Южгунам кидшол вигак огеш лек. Вара уэш-пачаш ыштентолашем, кӱлештӱсымкычалам. Шканемкелшаштӱҥалеш гын веле, пашамямделиеш. Южгунамкӱлешшергычмомдакузеышташманын, ятыр шонен коштам, вара пашалан пижам. Кӧрж, кидшол дечварабулавкыланаткӱлешматериалыммуым да тудым ышташ пижым. Сайын лектын. Тыгай кидпашам ышташ южгунамтунарчоткелша, йӱдыматямдыленшинчылтам. Тидечонйодмопаша. Изи ӱдыремланбулавкым, шинчавочмодечкидшолым ыштенам», - каласкала тудо.

Кок шагатыште кум-ныл кидшолым, кок кӧржым ыштен шукта.  Шукерте огыл изажын йодмыж почеш бисер гыч машинашке сакаш брелокым ыштен ончен. Тидын марте бисер гыч ыштен ончен огыл. Сандене чылажымат ыштышыла тунемын.

Таня пашаже-влакым шке гыч почмо «Aurinko» группышко вераҥда. «Aurinko» — финн шомак, тудо «кече» манмым ончыкта. Танян ойлымыж почеш, сӧрастарыме арвер-влак кече семынак кумылым нӧлтат, илышыш волгыдым пуртат. Сӧрастарыме арверже-влакым родо-тукымжылан, йолташыже-влаклан пӧлекла, южыжым ужалаш йодыт.

«Булавкым палымем-влаклан пӧлекленам. Утларакшым кидшол-влакым ужаленам. Кӧржым нылытым, а кидшолым лу деч шукырак налыныт. Туге гынат  тыгай пашам але ышташ гына тӱҥалынам, сандене шуко ужален омыл», — ойла Татьяна.

Кидмастарын ойлымыж почеш, бисер дене пидаш шуко жапым налеш. Сандене туддене яра жапше лийме годым кок-кум кече шинчылт кертеш. Ончыкылыклан утларакшым бисер дене пидаш шона.

кидпаша 1 кидпаша 2

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: