"Айдеме да пӱрымаш" рубрик, 2016 ий, Сорла тылзын 12-шо кечыже

Шӱмбел элнам чапландарен

Статьян авторжо Ирина Ямбаршева

СмирноваВера Евгеньевна Смирнова (снимкыште) марий ӱдырамаш-влак кокла гыч икымше профессиональный мурызо лийын да лач тудак мурызо-влак коклаште нигӧ деч ончыч «Марий АССР-ын калык артисткыже» лӱмым сулен налын. Тидын нерген указ 1951 ий июньышто лектын, тунам Смирнова 35 ийымат темен огыл улмаш.
Тудын шочмыжлан тений 21 августышто 100 ий темеш. Шке илыш корныж нерген самырыкше годым тыге серен:
«Я, Вера Евгеньевна Смирнова, родилась в Звениговском районе, селе Кожласола. Родители до и после Октябрьской революции занимались земледелием. В 1929 году они вступили в колхоз «Патыр». Отец, Евгений Андреевич Смирнов, — грамотный. Мать, Матрена Васильевна Богатырева, — крестьянка, скончалась от скороспешной чахотки в 1921 году. Я без матери осталась пяти лет. Пришлось мне жить трудно, так как отец снова женился, а вторая жена была очень жестокая…
В 1929 году меня мачеха выжила из дому, и мне пришлось идти в няньки. Но в 1931 году отец взял меня домой и заставил работать в колхозе. В 1933 году колхоз меня послал работать на мельницу контролером. Оттуда я сбежала в город Йошкар-Ола, в техникум искусств. С 7 сентября 1933 года до 1936 года училась на театральном отделении. Но ввиду малой грамотности моей мне было учиться трудно. На 4-м курсе я получила плохую отметку по истории театра, и враг народа Яндулов исключил меня из техникума. Но благодаря чуткому вниманию преподавателей за меня заступились и сказали, что я исключена была неправильно. В 1936 году меня обратно вызвали в техникум.
В 1936 году вместе с хоровой капеллой ездила в Москву на всесоюзную олимпиаду и грамзапись марийских песен.
С 1936 года я стала учиться на музыкальном отделении. Но ввиду болезни моих глаз мне пришлось вторично бросить техникум. После этого я работала на Украине в составе мордовской оперетты. С 1937 года я нахожусь в музыкально-театральном училище. Состою в Союзе рабис (работников искусств) с 1938 года.
В.Смирнова.
14 декабря 1938 года.
Мой адрес в настоящее время: МАССР, Йошкар-Ола, ул. Карла Маркса, 55».
В.Смирнован илыш пӱрымашыже хоровой капелле да тудын негызеш 1939 ийыште ыштыме кугыжаныш ансамбль дене чак кылдалтын. Мурышо да куштышо тиде коллективым 1939-1954 ийлаште композитор да хормейстер Алексей Искандаров вуйлатен. Вера Евгеньевна тудым иза семын аклен да пагален.
1943 ий тӱҥалтыште, ансамбльын лу наре артистшым ушен, фронтовой бригадым ыштеныт. Тиде коллектив действующий армийыш кум гана лектын коштын, кажне «гастроль» кокла шот дене пел идалык шуйнен. Бригадын радамже кажне гана изиш вашталтын, но негызше иктак кодын. Тиде – Павел Тойдемар, Вера Смирнова, Маргарита Мыльникова, Елена Данилова, Макс Сатеран-Веденкин да Юрий Карелин. Воинский часть ден госпитальлаште чылаже 1000 утла концертым ончыктымо. Ик тӱжемше концерт деч вара кум еҥлан: бригадын вуйлатышыже П.Тойдемарлан да В.Смирнова ден М.Мыльниковалан – Йошкар Шӱдыр орденым кучыктеныт.
Вера Евгеньевнан кугу юбилейже вашеш тудын творчествыжлан пӧлеклалтше «С песней по жизни» книгам лукмо. Тиде суапле пашашке кугу надырым мурызын эргыже Леонид Смирнов пыштен. Книгашке мурышо да куштышо кугыжаныш ансамбльын, тыгак фронтовой концертный бригадын пашашт да Вера Смирнован илыш корныж дене палдарыше статья ден очерк-влакым чумырымо. Тыштак уста солисткын мурымо муро-влак ното дене пуалтыныт.
«Песней славлю любимую Родину» — тыге маналтын мурызын 1957 ийыште «Марийская правда» газетеш лекше серышыже. Чынак, марий калыкын талантан ӱдыржӧ Вера Евгеньевна Смирнова шке творчествыж дене элнам чапландарен, еҥ-влакын кумылыштым нӧлтен. Шӱмжӧ 1997 ий 2 октябрьыште кырымым чарнен. Тудын илыме пӧрт пырдыжым (Пушкин урем) шарнымаш оҥа сӧрастара.
Г.ЗАЙНИЕВ.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: