"Рубрик деч посна", 2016 ий, Идым тылзын 23-шо кечыже

Марий Куптыштат – здравпункт

Статьян авторжо Эльвира Терентьева

 

15 сентябрьыште Марий Турек район Марий Купто ялыштат фельдшер здравпунктым почыныт. Тений 11 августышто ты районышто эше ик вере – Хлебниковышто – врачебный амбулаторийым почмо ыле.

%d0%bc%d0%b0%d1%80%d0%b8%d0%b9-%d0%ba%d1%83%d0%bf%d1%82%d0%be

Ондак ты верыште пу пӧрт лийын. Тушто медпункт ден библиотеке верланеныт ыле. Шукерте огыл тудым пуженыт, библиотекым тӱвыра пӧртыш кусареныт да чапле кермыч зданийым нӧлташ тӱҥалыныт.

Тиде кермыч пӧртым икмыняр тылзе чоҥеныт. Тудым Марий Эл Республикысе «Развитие здравоохранения» кугыжаныш программын подпрограммыж да республикым вуйлатышын инициативыж почеш шуктымо. Зданийын кугытшо – 116 квадратный метр. Чумыр пашан акше – 8 миллион теҥге наре окса. Тидым респубюликысе бюджет гыч ойырымо.

Фельдшер здравпунктым почмаште Марий Эл Республик правительстве председательын икымше алмаштышыже, республикым вуйлатышын администрацийжым вуйлатыше Т.В.Григорьева, Марий Эл Республикысе правительстве председательын алмаштышыже, тазалыкым аралыме министр В.Н.Шишкин да районысо вуйлатыше-влак лийыныт.

%d0%bc%d0%b0%d1%80%d0%b8%d0%b9-%d0%ba%d1%83%d0%bf%d1%82%d0%be1Калык у да чапле полатлан куанен. Ты здравпунктыш ныл ял гыч еҥ-влак коштыт: Марий Купто, Изи Купто, Аимке, Ошламучаш. Нунын лӱм дене пашан ветеранже, ятыр жап Марий Купто ФАП-ыште медсестралан пашам ыштыше Зинаида Яковлевна Зотина республикын правительствыжлан, районысо вуйлатышылан таумутым каласен.

Эльвира Ендылетова.

Д.Кочергинын фотожо-влак.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: