"Рубрик деч посна", 2016 ий, Идым тылзын 23-шо кечыже

Председательым калык шарна

Статьян авторжо Эльвира Терентьева

11 сентябрьыште фронтовик, Социалистический Паша Герой Андрей Иванович Павловын шочмыжлан 100 ий темын. Тидын лӱмеш 16 сентябрьыште Советский район Шуарсола тӱвыра пӧртыштӧ “Шӱм-чонжо дене Шочмо элжылан ӱшанле” мероприятий эртаралтын.

%d1%88%d0%b0%d1%80%d0%bd%d1%8b%d0%bc%d0%b0%d1%88-%d0%be%d2%a5%d0%b0

“Большевик” озанлыкын ондакысе председательже лӱмеш Шуарсола тӱвыра пӧртыштӧ “Мемнан шӱмыштына эрелан улат” концерт программым ямдылен ончыктеныт. Тыгодым пырля илыше да пашам ыштыше еҥ-влак Андрей Ивановичым порын шарналтен ойленыт. А вара Люперсолаште илыме пӧрт пырдыжешыже мемориал оҥам пижыктеныт.

А.И.Павловым ялыште пагаленыт. Тудын ешыжат кугу улмаш. Еҥ-влакын ойлымыштлан ӱшанаш гын, ныл ватан да кандаш шочшан лийын. Теве Римма ӱдыржӧ (кызыт Римма Андреевна Пурушкевич) Латвийысе Ливаны олаштыже 47 ий ила. Тудын дене Шуарсолан чолгаеҥже, самырык онаеҥ Зиновий Столяров серышым возгален да председательын, колхозын илышыжым умылкален. Тылеч посна ты шарнымаш касыште ончыктышаш видеом колтен, да калык тудым тӱткын колыштын. Кызыт ондакысе колхоз председательын илыме жапыш (1916-1990) пӧртылына. Тидлан Латвий гыч толшо серыш-влак полшат. Нуным марлаҥден савыктена.

Умбакыже — «Кугарня» газетын 23 сентябрьысе номерыштыже 11-ше лаштыкыште лудса.

ЭЛЬВИРА ТЕРЕНТЬЕВА.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: