""Кугарня" газетлан - 25 ий" рубрик, 2016 ий, Шыжа тылзын 21-ше кечыже

Лий, «Кугарня», виян да чапле, йомартле, йоҥгыдо йӱкан

Статьян авторжо Анастасия Эманова

19 октябрьыште М.Шкетан лӱмеш театрыште «Кугарня» газетын 25 ияш лӱмгечыжлан пӧлеклалтше пайрем кас эртен. Шокшын саламлыме да порым тыланыме шомак, сылне муро, оҥай мыскара йоҥгалытыныт.

dsc_4875Кеч-могай пайремым кинде-шинчал сӧрастара. Тиде йӱлам кызытат мондымо огыл. Морко район Унчо кундемын «Кӱдыроҥгыр» клубын чолга ӱдырамашыже-влак Пайремын озаже-влакым сценыш мелна кышыл дене вашлийыныт.

Мурсий салам деч вара Марий Эл Республикын сулло артисткыже Эльвира Попова калыкын ик эн йӧратыме «Шупшалалтме там» мурыжым муралтен. Каласыман, ты мурылан шомакым журналистна Татьяна Пчелкина возен.

Ты кечын шуко поро тыланымаш йоҥген. Кугарнязе-влакым саламлаш Марий Эл Республик правительстве вуйлатышын икымше алмаштышыже, тӱвыра, печать да национальность паша шотышто министр Михаил Зиновьевич Васютин толын. Эльвира Ендылетовам РМЭ-н заслуженный журналистше да «Кугарня» газетын ондакысе журналистше да поэтессе Зоя Тимофеевам (Висвис) Марий Эл Республикысе тӱвыран заслуженный пашаеҥже лӱмым сулен налмышт дене саламлен. Тыгак тыршен пашам ыштымылан да печать отрасльым вияҥдымашке надырым пыштымылан журналист-влак Светлана Кушакова ден Анастасия Эмановалан, дизайнер Татьяна Айтовалан Почетан грамотым кучыктен.

dsc_4878А концерт умбакыже шуйныш. Вӱргечын «Шуматкече» «Кугарням» саламлаш толын, тыге ойлышт ансамбльын кок мурызыжо. Морко район Кокласола кундемысе «Шуматкече» ансамбльын участникше-влак дене поснак чот кугу йолташ улына. Нунын дене пырля «Шийгорно» проект почеш Пошкырт кундемыш миен коштынна. Тора Башкирийыштат мемнан нерген монден огытыл. «Чолман» газетын тӱҥ редакторжо Игорь Губаев йолна писе, перана пӱсӧ лийже манын тыланен. Палемдыде ок лий, Пошкырт кундемысе марий газет редакцият тений 25 ияш лӱмгечыжым пайремлен.

«Кугарня» газетын эртыме корныжым шергалаш гын, тӱҥ редакторын пашажым шуктышо-влак радам кӱчыкшак огыл. Вуйлатыше семын кажныже марий калык верч тыршен. Газетлан шке жапыштыже Александр Абдулов, Иван Алексеев, Владимир Козлов, Юрий Соловьев, Сергей Иванов, Лидия Семенова, Эрнст Петров, Александр Петров, Михаил Матвеев вуйын шогеныт. А 2015 ий годсек тӱҥ редактор – Волжский районын шочшыжо Эдуард Иманаев.

dsc_48831994 ий годсек 1 апрельыште газет редакцийна «Воштылаш, товатат, сулык огыл» мыскара фестивальым эртара. Тушто ятыр гана призовой верым Советский район Кужмарий гыч Валентина Ефремова ден Вера Мочаева налыныт. Концертна нунын деч посна тичмаш огеш лий ыле. Весела ӱдырамаш-влак оҥай сценкым модын ончыктеныт. Мемнам саламлаш мыскара дене веле огыл толыныт, ялысе свежа шӧр-торыкым, ик корзиҥга пакчасаскам, ик мешак пареҥгым конденыт.

Самырык-влаклан газетым М.Шкетан театрын самырык вийже весела попурри дене саламлен.

Кугарнязе-влак поро йолташыже-влакым нигунам огеш мондо. Газетыш чӱчкыдын возкалыше И.Мамаев ден самырык ӱдыр Х.Александровалан таумутым кучыктеныт.

Йӧратыме да лишыл «Кугарня».

Ош Юмын кечын – кугарнян,

Ю кайык семын чоҥештен,

Тый лудшын чонжым шыматет.

 

dsc_4913 dsc_4934

dsc_4950

dsc_4960dsc_4979

dsc_4992dsc_4970

dsc_4996 dsc_5019

dsc_5024 dsc_5027

dsc_5036 dsc_5042

dsc_5045 dsc_5054

dsc_5084 dsc_5096

dsc_5118

dsc_5132 dsc_5142

dsc_5155 dsc_5162

dsc_5195 dsc_5176

dsc_5260 dsc_5345

dsc_5264 dsc_5291

dsc_5387 dsc_5396

dsc_5340 dsc_5420

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: