"Улам мый Рве-зы-лык!" рубрик, 2016 ий, Шыжа тылзын 21-ше кечыже

Немыч шанчызе – Марий Элыште

Статьян авторжо Анастасия Эманова

Кодшо кугарнян «Кугарня» газет редакцийыште Юстус Либих лӱмеш Гиссен университетысе Славистика институтын шанче пашаеҥже Даниэль Мюллер дене оҥай вашлиймаш лийын. Д.Мюллер Татарстан, Башкортостан да Марий Эл республикылаште йылме политике шотышто йодыштмашым эртарен.

%d0%bc%d1%8e%d0%bb%d0%bb%d0%b5%d1%80-1Тыгай пашам ышташ тудо шке кундемыштыже грантым сеҥен налын. Славистика институтын пашаеҥже-влак руш коллегышт дене пырля йылме теме дене кылдалтше тӱрлӧ проектым ямдылат да конференцийлаште участвоватлат. Мутлан, Д.Мюллер 2014 ийыште Озаҥ олаште лийше «Поволжский регион как индикатор языковой политики в многонациональной России на современном этапе» тӱнямбал конференцийыште участвоватлен. Тушто «Национальные языки в школьном образовании Республик Татарстан, Башкортостан и Марий Эл за последнее десятилетие» докладым ямдылен. Ты теме дене кок ий ончычак пашам ышташ тӱҥалын гынат, Марий Элыш Мюллер икымше гана толын. «Ме руш ученый-влак дене пырля Юл кундем федеральный округыш пурышо икмыняр кундемыште йылме политикым шымлена да вара тудым федеральный рӱдерын политикыж дене таҥастарена. Славист-влак тыгай паша дене шинчымашыштым келгемдат. Статьялаште ик еҥынат лӱмжым да ойлымыжым тичмаш огына возо, лач икмыняр предложенийым веле пример шотеш статьялаш пуртена.

Марий Элыште арня утла лийме жапыште кугыжаныш пашаеҥ, школ директор, журналист, мер пашаеҥ-влак дене йылме политике шотышто мутланенам. Ик йодыш, мутлан, тыгай лийын: «Кугыжаныш могырым многоязычий, билингвизм шотышто полыш пуалтеш мо?» Але весе: «Политикыште лу ийыште лийше вашталтыш йылмыште палдырнен мо?

Иктешлымашым ышташ эр, садлан кызытеш Марий Элыште могай национальный политике манын ойлаш ом тошт», — каласыш самырык шанчызе. 

Мюллер Гессен университетыште кандаш ий пашам ышта. Тудын мутшо почеш, кызыт славистике институтыш шагал еҥ тунемаш пура. «Пытартыш жапыште Германийыште Российын политикыж дене огыт келше, садлан руш эл нерген шукынжо сайын огыл шонат. Славист-влаклан тидыже ӧпкем луктеш. Студент лиймем годым Славистике институтыш тунемаш пураш конкурс кугу ыле, кызыт ала-мыняр пачаш шагалемын», - манеш Даниэль Мюллер.  

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: