"Ой, йӧратымаш..." рубрик, 2016 ий, Шыжа тылзын 7-ше кечыже

Чаҥга-паҥга

Статьян авторжо Татьяна Айтова

Максим дене кок ий ончыч палыме лийна. Рвезын поро кумылжо, пашаче улмыжо мылам вигак келшышт. Ик жап гыч пырля илаш тӱҥална. Тунам йӧратымемын нимогай уто-сите койышыжым шекланен омыл. А икана шӱжарем мемнам кинотеатрыш ӱжº. Мый фантастикым моткоч йӧратем, садлан вигак келшышым. Кастене тидын нерген Максимлан ойлышым.

- Кинотеатрыш оксам кышкен коштмеш телевизор але интернет дене иктаж-мом ончена, — лие вашмут.

Коктынат сай пашадарым налына, окса чӱдылыкым шижын омыл, садлан тыге ойлымыжо кумылем волтыш. Машалан огына кай манын ойлышым. Тудо чонем эше утыр пудыратыш:

- Чаҥга-паҥга тыйын Максимет. Шукертак ойлынем, да йºндымын чучеш.

- Уке, тудо йºршеш весе. Тый нимомат от умыло. Тудлан мыйын пелен лияш келша, — вашешыже ойлаш тӧчышым.

Ты касым телевизор ончылно эртарышна.

Шочмо кечем деч ик арня ончыч Максим пºлек нерген мутым лукто. Мый шукертак Санкт-Петербургыш миен толаш шонымем нерген ойлышым. Йӧратымем путевкым налаш сºрыш.

Корно чылт кумылем волтыш. Поездыште ласкан кайыме олмеш шыгыр автобусышто лӱҥген-лӱҥген пыкше миен шуна. Тыге Максим унагудылан оксам аныкла дыр шонышым. Но адак йоҥылыш лийым. Тудо хостелыште верым налын улмаш. Ик пºлемыште куд  еҥ пырля малышна. Кастене ола мучко ончен кошташ шонышым. Иктаж экскурсийыш автобус дене каяш темлышым. А Максим йолын каена, юж дене шӱлена мане.

Иктаж кок шагат наре коштмек, моткоч ярнышым. Иктаж кафеш кочкаш пураш йодым. Менюшто акым ужмек, Максим мыйым кид гыч вӱдалтен, кафе гыч лукто. Чылт оксадыме огыналыс, ласкан кочкын кертына, а тудо…

Мӧҥгӧ пºртылмек, Максимлан ойырлаш темлышым. Тудо пуйто нимомат ыш умыло, моткоч ºрӧ.

Шӱжарем деке илаш кайышым. Ик кечын Максим деч пеледыш аршашым кондышт. Серышыште проститлаш йодын. Мый роза-влакым шымлен ончальым да вигак тогдайышым: аважын садше гыч кӱрын кондымо улыт. Кодшо гана Наталья Васильевна нуным уэш-пачаш ончыктыльо. Ушыштем шӱжаремын шомакше пӧрдыт: «Чаҥга-паҥга…»

Ирина.

Медведево район.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: