"Саман" рубрик, 2016 ий, Кылме тылзын 25-ше кечыже

Кажне ойгым шӱм вошт колта

Статьян авторжо Светлана Кушакова

Катастрофо, пожар, лӱдыкшым лукшо пӱртӱс явлений, аварий пытартыш жапыште чӱчкыдын лиедат. Лишыл еҥым йомдарымаш, сусыргымаш, молат айдемын психологийжылан энгекым кондат. Тыгай годым МЧС управленийын психологический службыжо полша. Республикысе управленийыште вич специалист пашам ышта. Нунын сомылыштым кугурак психолог-инспектор Татьяна Исаева (снимкыште) вуйлата. Тудо 10 ий жапыште сай специалист да профессионал улмыжым ончыктен. Татьяна Николаевна 18 ноябрьыште эртыше “Созвездие мужества” фестивальыште “Эн сай психолог” номинацийыште палемдалтын.

%d0%b8%d1%81%d0%b0%d0%b5%d0%b2%d0%b0Татьяна Николаевнан тӱҥ пашаже – чрезвычайный ситуацийыш логалше еҥ-влаклан экстренный психологий полышым пуаш. Тудо тӱрлӧ азап лийме верыш лектеда, ятыр еҥым колыштеш, ой-каҥаш дене полша.

“Пашам — ответственный да неле. Нелылыкыш логалше кажне еҥын ойгыжым, тургыжланымашыжым шке чонем гыч колтем”, — манеш психолог. Ведомствын пашаеҥже-влак денат пашам ышташ логалеш. Тудо неле паша кече деч вара писын вийым погаш, еҥ-влак дене мутланыме годым психологий йӧным кучылташ туныкта.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: