"Рубрик деч посна", 2016 ий, Кылме тылзын 18-ше кечыже

Марий драматургийын чолга авторжо

Статьян авторжо Эльвира Терентьева

 

                    %d0%b3            Кызыт Марий Эл искуствын сулло деятельже, Марий Эл кугыжаныш премийын лауреатше драматург Геннадий Гордеевын (снимкыште) лӱмжӧМарий Элыште веле огыл, Россий кумыдыкыштат сайынак палыме. Лучко утла пьесын, “Чоныштем илет” икымше марий киносериалын авторжо. Варарак “Ял ӱмбалне мужыр йӱксӧ” пьесыж почеш тыгаяк лӱман вес кино войзалтеш. Геннадий Гордеев ондак прозым возен, возымыжо 1990 ийыште «Омса вес велне» сборник дене савыкталт лектеш. Тылеч вара тудо пӱтынек драматургийыш кусна да 1993 ийыште марий зритель Марий самырык театрын сценыштыже «Ӧртӧмӧ он», «Болтуш», «Мый ом суко садак» пьесылаж почеш шындыме спектакль-влакым чон вургыж вашлиеш. А 2010 ийыште калыкнан XVI курымысо пӱрымашыж нерген возымо ты трилогий посна книга дене саdыклталтеш.

Тений гын Марий книга издательстве лӱмлӧ драматургын тачысе темылан возымо моло пьесыже-влакым посна книга дене савыктен лукто. Кодшо идалыкат кугу пӧлекым ыштен ыле: “И с нами голуби” пьесыже РФ тӱвыра министерствын кызытсе драматург-влаклан полшымо шот дене эртарыме конкурсыштыжо лауреат лӱмым сулыш, авторжылан да ты постановкылан чумыржо 380 тӱжем теҥге ойыралте. Весымат палемдыман: 2009 ийыште Россий тӱвыра министерствын тыгаяк конкурсыштыжо авторын “Кунам кӱдырчӧ кӱдырта” пьесыже кӱкшын аклалтын ыле. Тунамат Г.Гордеев лауреат лӱмым сеҥен налын. Эше ик кугу пале: 2001 ийыште «Чоныштем илет» сериалын авторжо Геннадий Гордеев — «Телепрофи» лӱман Телепрограмме да телефильм Тӱнямбал фестивальын лауреатше.

А таче Геннадий Филимонович Гордеев могай шонымаш дене ила? Тудын чонжым могай йодыш-влак туржыт? Тидын нерген «Кугарня» газетын 18 ноябрьысе номерыштыже (2016 ий) лудын кертыда.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: