"Саман" рубрик, 2016 ий, Кылме тылзын 25-ше кечыже

Порылык дене эмла

Статьян авторжо Светлана Кушакова

А теве наказанийым шуктышо федеральный службын республикысе управленийжын психологшо Ирина Слесарева (снимкыште) колонийыште шинчыше ӱдырамаш-влак дене пашам ыштыме шотышто “В режиме доброты” психологический программым ямдылен. Тудо психолог-влаклан эртарыме республикысе конкурсышто сеҥен, вашке Россий кӱкшытыштӧ мастарлыкшым да моштымашыжым аклат.

%d1%81%d0%bb%d0%b5%d1%81%d0%b0%d1%80%d0%b5%d0%b2%d0%b0Ирина Слесарева ӱдырамаш-влаклан 7-ше №-ан исправительный колонийыште пашам ышта, психологий лабораторийым вуйлата. “Тиде программым 2014 ийыштак ямдылаш тӱҥалынам. Шымлымаш почеш, шинчыше ӱдырамаш кокла гыч ик кумшо ужашыже тыгай верлаште илаш йӧсын тунемеш, 40 процент шӱм-чон нелылыкым шижеш, тидлан кӧра торжа койыш вияҥеш. Тудо кум ужаш гыч шога. Информационно-тунемме ужашыште мутланымаш, лекций да “йыргешке ӱстел” улыт. Интерактивный ужашыш тренинг-влак пурталтыныт. Кинотренинг шукыштлан келшен. Шкем творчески почын пуаш полшышо занятий-влак лийыныт. Ӱдырамаш-влак тӱрлӧ кидпашам ыштеныт, пушкыдо модышым ургеныт, носким, пижым, молымат пидыныт. Чыла тидыжым Люльпан йочапӧртлан пӧлеклыме. Программым илышыш шыҥдараш 20 еҥан группо полшен.”, — каласкала психолог.

Тиде программым 80 еҥ эртен. Нуно илышыштым вес семын ончаш тӱҥалыныт, тӱняумылымашышт вашталтын. Южышт ешыштышт кылым саемденыт, эрыкыш лектыныт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: