"Айдеме да закон" рубрик, 2016 ий, Кылме тылзын 11-ше кечыже

“Шӱдыран” ешым ойыреныт

Статьян авторжо Светлана Кушакова

Октябрь тӱҥалтыште Йошкар-Олаште, Самырык-влакын полатыште, уголовно-исполнительный системыште эн уста ешым ойыреныт.

%d1%81%d0%b0%d1%85%d0%b0%d0%bd%d1%81%d0%ba%d0%b8%d0%b5-3“Шӱдыран пӱрымаш” конкурсышто куд мужыр таҥасен, нунылан чот ямдылалташ логалын. Ончыч участник-влак сӱан вургем дене лектыныт. Мутат уке, чыла зритель сӱан тувыран мужыр-влакым тӱслен ончен. Тидыже участник-влаклан ешышт шочмо жап нерген эше ик ушештарен. Романтике дене темше йӧратымаш нерген товатлыме мут кажнын шӱмыш логалын. Конкурсын вес оҥай ужашыже “Тюрьмасе танго” маналтын. Танго гочын кажне мужыр икте-весе дене палыме лийме жапым веселан почын пуэн. Тылеч посна жюрилан конкурсант-влакын мурмыштым, куштымыштым аклаш темлалтын. Мужыр-влак ковбой кантри, руш кадриль, цыганочке дене куандареныт. Ончышо-влаклан эн чот Саханскиймытын тирольский полькышт келшен.

Жюрин членже-влаклан сеҥыше-влакым палемдаш куштылго лийын огыл, 20 минут каҥашеныт. Ты жапыште зритель-влак “Ешысе альбом гыч” фотовыставкым онченыт. Тудын почеш “Еш фото” номинацийыште Константин ден Анастасия Барановмытым палемдыме. “Киносо шӱдыр” номинацийыште Вадим ден Ольга Петуховмыт, “Шӱдыр дуэт” номинацийыште Николай ден Елена Тимоковмыт ойыртемалтыныт. А теве Ларионовмыт еш интернетыште да “Семейный газетыште” эртарыме йӱклымаште эн шуко йӱкым поген. Никита ден Валерия Громовмыт зритель-влаклан утларак келшеныт. А конкурс почеш сеҥышыш Дмитрий ден Анна Саханскиймыт лектыныт.

Элгӧргӧ службын кугурак сержантше Дмитрий Саханский 7-ше №-ан колонийыште пожарный машинан водительжылан пашам ышта, а Анна пелашыже мӧҥгыштӧ шинча, Даниил ден Варвара йочаштым ончен кушта.

“Эн шӱдыран ешын” шочмо историйже эше йочасад гыч тӱҥалын. Дима ден Аня ик йочасадыш коштыныт, вара ик школышто тунемыныт. А ешаҥмыштлан тений октябрьыште 10 ий темын. Нуно шкаланышт вулно сӱаныштлан сай пӧлекым ыштеныт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: