"Саман" рубрик, 2016 ий, Теле тылзын 2-шо кечыже

Идалыклан ик гана тергалтса

Статьян авторжо Светлана Кушакова

1 декабрь — СПИД ваштареш кучедалме тӱнямбал кече.

Тиде кечым палемдымын тӱҥ шонымашыже – ВИЧ инфекций дене калыкым палдараш да обществым ты чер ваштареш кучедалаш ӱжаш. Тений ты кече “Я ЗА#Профилактика ВИЧ” девиз дене эрта.

ВИЧ инфекцийын тӱня мучко шарлымыже — ик эн кугу проблеме. СПИД шотышто 21-ше тӱнямбал конференцийыште ончыктымо шымлымаш почеш, 2015 ийыште тӱнямбалне 38,8 миллион еҥ ВИЧ дене черле лийын. Тушеч 17 миллион еҥ антиретровирусный терапийым эртен. ВИЧ але СПИД-лан кӧра колымаш 1,2 миллион еҥлан шагалемын.

Туге гынат тӱнямбал эксперт-влак ВИЧ инфекцийын тӱня мучко писын шарлымыжлан кӧра черле-влакым эмлаш кажне ийын оксам шукырак ойыраш кӱлмӧ да чер деч аралыме у профилактике йӧным кычалме шотышто тургыжланат.

1997-2005 ийлаште ВИЧ дене черланымым шагалемден кертме. Пытартыш вич ийым ончалаш гын, кокла шот дене идалыкыште 2,6 миллион еҥ черлана.

СПИД-лан кӧра йочам ыштен кертше ӱдырамаш-влак (15-49 ияш ийготан) колат. Чылаже 14 миллион йоча тулыкеш кодын.

Мемнан элыштат ВИЧ шотышто сӱрет тургыжландарыше. 2016 ий 30 сентябрьысе оперативный мониторингын данныйже почеш, Российыште 1087 339 ВИЧ инфекций дене черланыме случайым пален налме, тений индеш тылзыште 75962 еҥ черланен, тидыже ӱмашсе дене таҥастарымаште 1,9 процентлан шукырак.

Тушеч 648757 еҥ диспансер учетышто шога. Антиретровирусный терапийым 261557 еҥ эртен. Учетышто шогышо-влак кокла гыч — 40,3 процент. ВИЧ дене мӱшкыран черле ӱдырамаш кокла гыч 96,3 процентше химиопрофилактикым эртен, 99,1 процент йоча эмлалтыт.

Мемнан кундемым ончалаш гын, индеш тылзе жапыште 65348 еҥым ВИЧ-лан тергыме. Тушеч 95 еҥын черле улмыжым пален налме (ӱмаште – 66). Черле-влак Морко, Юрино да Оршанке деч посна моло чыла районлаште лектыныт. Эн шуко — Волжский районышто (ӱмаште 1 гын, тений 7 черлым пален налме), Волжск олаште (ӱмаште 14 гын, тений 23), Йошкар-Олаште (ӱмаште 25 гын, тений 35). Кум еҥ дене Килемар, Кужэҥер, Марий Турек да Советский районлаште черланеныт. Кок еҥ — Курыкмарий районышто (ӱмаште лийын огыл), Звенигово да У Торъял районлаште — ныл еҥ.

Роспотребнадзорын республикысе управленийже увертара

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: