"Кидмастар" рубрик, 2016 ий, Теле тылзын 2-шо кечыже

Марий тӱр возын лыкын-лукын

Статьян авторжо Анастасия Эманова

Уста кидмастар Ирина Михалева дене тений Йошкар-Олаште Самырык-влакын кечыштым палемдыме годым кидпаша ярмиҥгаште палыме лийынна. Тудын  ургымо Йошкин пырыс сӱретан кӱпчыкшӧ моторлыкшо дене сымыстарен. А марий тӱран тӱрлӧ сувенирже, вургемже тора гычак «волгалтыт».

khcbkvplkjwИрина Валентиновна Звенигово район Элнет поселкышто шочын-кушкын. Шукертак Йошкар-Олаште ила. Руш гынат, марий калыкын тӱвыражым моткоч йӧрата, поснак марий тӱр кумылжым савыра. «Тӱр республикнан тӱвыраже, историйже дене кылдалтын. Тудо марий калыкын шкешотан улмыжым ончыкта, — ойла кидмастар. – Мый школышто тунеммем годымак кидпашалан кумылаҥынам. Утларак шке гыч тунемынам. Ятыр ий Йошкар-Оласе «Труженица» фабрикыште пашам ыштенам.

klbp6a17hiiПашам-влакым тӱрлымӧ лӱмын машина дене ямдылем. Тӱрлӧ сувенир-влакем марий орнамент сӧрастара. Йодмо почеш марий тувырым, шовычым, солыкым ургем».

И.Михалева оласе тӱрлӧ выставкыште чӱчкыдын участвоватла. Тудын пашаже-влак чатка улыт, сандене нуным сувенир кевытлаште кумылын налыт. Ак шотыштат ателье дене таҥастарымаште шулдырак.

2rv4cp9cntqКидмастар тыгак ришелье технике (вес семынже ажурный гладь маналтеш) дене тӱрла. Марий Элыште тудо, очыни, ты техникым эн сайын палыше мастарлан шотлалтеш. Арам огыл тений И.Михалевалан «Умелых рук творенье» фестиваль-конкурсышто лачак ришелье технике дене ыштыме пашажлан дипломым кучыктеныт. «Тиде технике дене согам, ӱстембалшовычым ден салфетке-влакым утларак сӧрастарат. Тылеч посна пытартыш жапыште ришелье технике дене ыштыме тувыр-влак модыш пуреныт. Ты технике дене тӱрлымӧ годым шӱртым куэмын тӱсшӧ дене келшышым ойырат. Эн ончыч тӱрым калькыш сӱретлыман, вара тудым куэмыш кусарыман да ургыман. Ришелье технике дене пашам ыштыме годым шуко «нюансым» палыман», - палдарыш кидмастарgzamcbzrhqc

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: