"Сылнылык тӱня" рубрик, 2016 ий, Теле тылзын 16-шо кечыже

Эрвел моторлык – тувырышто

Статьян авторжо Анастасия Эманова

Ноябрьыште Самырык-влакын полатыштышт IIIнациональный культур фестиваль эртен. Тушто этномодым ончыктеныт. Таджик, узбек ӱдыр-влакын национальный тувырышт самырык-влаклан поснак чот келшен. «Джамаль» лӱман коллекцийым кум уста ӱдыр шочыктен. Ургызо Наталья Сорокина, дизайнер-влак Азиза ден Малика Абдуллаевамыт эрвел ӱдыр-влаклан келшыше вургемым ямдылат. Ыштыме пашашт  — тиде эрвел калык-влакын культурыштым пален налме шкешотан йӧн.

модельер Н.СорокинаКидмастар-влак вургем коллекцийыштым «Джамаль» бренд дене луктыт. «У бренд октябрьыште шочын. Шуко шоненна кузе лӱмдаш. Мыйын кужу списке лийын. Джамаль араб йылме гыч кусараш гын, моторлык манмым ончыкта. Тиде мыланна келшыш. Вет кажне ӱдыр мотор лияш тырша. Мемнан брендна ӱдыр-влакын моторлыкыштым, ныжылгылыкыштым ончыкташ полша. Ме чоннам пыштен пашам ыштена. Вургемна-влакым сай качестван куэм гыч ургена. «Джамаль» бренд эрвел калыкын традицийжылан келшыше да кызытсе саманлан келыштаралтше, — ойлаН.Сорокина. – Мый Йошкар-Олаште шочын-кушкынам. Образований дене проектировщик улам. Поволжский кугыжаныш технологический университетысе строительный факультетым тунем пытаренам. Тений технологический колледжыш конструктор-модельерлан заочно тунемаш пуренам. Ургаш школыштак тӱҥалынам. Тидлан мыйым трудым туныктышо кумылаҥден шоген. Олимпиадыш эре ямдылен. Садлан школышто труд мыйын эн йӧратыме предмет лийын. Адакшым авам ден ковам сайын ургат. Кажне ӱдыр моторын чияш йӧрата. Мый нигунам каҥга лийын омыл. А капкылемлан келшыше вургемым олаште муаш пеш неле. Садлан шканем шке ургаш тӱҥалынам. Вара йолташем, палымем-влак вургемым ургаш йодыныт. Тыге мастарлыкем нӧлтенам. Ятыр ий «NAT SOROKINA» бренд дене вургем-влакым ямдыленам. А вара эрвел национальный вургем чонем сымыстарен, да у сынан тувырым ышташ кумыл лектын. Икоян ӱдыр-влак дене палыме лийынам. Мый нунылан у бренд шотышто шке шонымашем нерген ойленам. Малика ден Азиза келшеныт. Тыге «Джамаль» усталык объединений шочын». 

дизайнер МаликаМаликам уста куштызо семын палем. Узбек ӱдыр Таджикистанысе Гуфуров олаште шочын. 2003 ийыште ешыже Марий Элыш, Килемар пӧселкыш, илаш куснен. Кызыт Малика МарГУ-со калык-влак кокласе кыл факультетыште англичан, француз, немыч йылме-влакым тунемеш. Тӱрлӧ фестивальыште шке калыкшын национальный куштымашыжым кушта. Студентке мер пашаштат чолга. Тудо Марий Элыште илыше калык-влакын молодежный ассамблейыштышт шога. Тушто ӱдыр – узбек самырык тукымын представительже. Малика изинек кидпашалан кумылан кушкын. Аважын вургемым ургымыжым ончаш йӧратен. Шкежат ургаш тунемын. Тудо тыгак брошьым, алгам, шӱйыш шерым шке кидше дене ышта. «Кызыт фриволите техникылан шӱмаҥынам. Фриволите – ик шӱртым, пышкемым ыштен, кылдыме технике. Тудым челнок полшымо дене ыштат. Фриволите паша кружевной узорым ушештара. Моткоч моторын да чаткан коеш», - ойла ӱдыр.  «Сылне сӧрастарыме ӱзгар-влак вургем коллекцийым тичмашым ыштат», - ешарыш Наталья.

Вашлиймаште Азиза Абдуллаева лийын огыл. Малика шӱжарже Азиза Йошкар-Оласе технологический колледжыште нылымше курсышто «конструирований, моделирований да ургымо изделий технолгий» специальность дене тунемеш манын ойлыш. Тудо урга, дизайным ышта.

«Бренднан икымше коллекцийже «Шахерезада» маналтеш. Тудо утларак пайремлан да Йошкар-Олаште илыше ӱдыр-влаклан келшен толеш. Гипюр, атлас куэм гыч ургымо юбко, топ, йолаш, накидке ӱдырын образышкыже романтике шӱлышым пуртат. Коллекцийыште кружева ден бахромам кучылтмо.   

Вес коллекций – «Джамаль». Тудо тыгаяк лӱман бренднан шкешотан улмыжым утларак почын пуа. Вургем национальныйрак да скромныйрак улыт. Ты коллекцийлан куэмым лӱмын Таджикистан гыч кондымо. Национт мушман огыл, а химчисткыш наҥгайыман. «Джамаль» коллекцийым тений национальный культур фестивальыште ончыктымо. Чылалан келшен.xwtdxklp4b4 iwr_osq1rmo unegkzzx8-c

«Цвета Востока» коллекцийна шӧртнялге тӱс дене ойыртемалтеш. Атлас куэмыш шке гыч тӱрлӧ узорым сӱретлыме. Тиде паша пеш келшен, чон ласкалыкым пуэн. Тувырым тыгак страз, бисер дене сӧрастарыме. Коллекций ик могырым проста, но тыгодымак шергын коеш. «Цвета Востока» коллекцийым шукерте огыл Йошкар-Олаште эртыше Деловой ӱдырамаш-влакын икымше форумыштышт да «TheFestivalofFashion» мода фестивальыште ончыктенна. Пайремым вӱдышӧ Катя Гребнева мемнан творчествынам сайын аклен.

i8dp776skae u6ziknbju94 fbzchhoxxym

Коллекцийыштына юбко, тувыр, тунике деч посна, чалма, чапан (национальный халат) улыт. Пашана-влакым Вконтакте соцсетьыште «Джамаль. Женская восточная одежда» группышто (https://vk.com/jamal_dress) ужаш лиеш. Вургем-влакым вес олалашкат ужалена. «Цвета Востока» коллекций гыч кужу тувырым Москошто налыныт. «Шахерезада» коллекций гыч накидкым Москош да Сочиш колтенна.

vcmuecaxmye k-r9sbqv1la v6gzzkdnpcg

Ме пашанам але тӱҥалынна веле, садлан кызытеш налше-влак шагалрак улыт. Окса чӱдылын кӧра ик бренднам веле вияҥден огына керт, садлан йодмо почеш тӱрлӧ вургемым ургена. Идей моткоч шуко. Ушанена, тӱҥалме пашана арам огыл», — каласышт модельер-влак.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: