"Кузе илет, ялем?" рубрик, 2017 ий, Шорыкйол тылзын 10-шо кечыже

Ий ола

Статьян авторжо Ирина Ямбаршева

Тений Татарстан кундем Агрыз район Байтуганово ялыште У ийлан чот ямдылалтыныт. Ты ялыште илыше Николай Николаев кажне ийын шке пӧртшӧ пелен лум олам «чоҥа». Агрофирмыште пашам ышта гынат, «йоча» модышланат жапым муэш. Тений лум гыч ыштыме пашаже-влак ялысе калыкым чот ӧрыктареныт.
dsc09281- Пашалан ноябрь мучаште пижам. Ондак лумым ик ораш чумырем, вара персонаж-влакым ненчаш тӱҥалам. Скульптурым уло еш дене чоҥена. Ача-авамат ӧрдыжеш огыт код. Пошкудо йоча-влакат уло кумылын полшат, — каласкала Н.Николаев.
Кызыт ты лум олашке модаш, курык гыч мунчалташ ялысе школ, йочасад гыч йоча-влак рӱж толыт, вет нуно воктенак улыт. Кастене да каныш кечылаште ий ола – ятыр икшывын эн йӧратыме верже.
Николай гай чолга еҥ-влак кӱлыт. Могай сай, кунам изи ялыште йоча-влаклан канаш сылне вер уло.

Любовь МИХАЙЛОВА.
Татарстан кундем.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: