"Илыш йогын" рубрик, 2017 ий, Шорыкйол тылзын 10-шо кечыже

«Кугарня» У ийым ӱжара дене вашлийын

Статьян авторжо Ирина Ямбаршева

«Кугарня» газетын коллективше У ийым вашлияш Оршанке районыш Ошла эҥер воктене верланыше сылне верыш, «Тихие зори» каныме рӱдерыш миен.
dsc_8526Чылтак йомакыш логалмыла чучо. Кок пачашан чапле пӧртыште ик кече илышна. Шашлыкым кӱктен кочна, мончаш чон канен пурышна, футболла модна. Каныме рӱдер мучко коштын савырнышна.
Тыште кажне пӧртыштӧ тачысе кечылан келшыше чапле мебель, телевизор, мушкылтмо пӧлем да шондан улыт, интернет пашам ышта. Пӧрт пелен шылым тулышто кӱкташ мангал-влакым вераҥдыме. Йоча-влаклан модаш посна площадкым келыштарыме: Вувер куван пӧртышкыжӧ пурен лекде нигузе от чыте. Икшывын куаныме, йоҥгыдо йӱкшӧ торашке йоҥгалтше манын, мунчалташ курык-влак улыт.
dsc_8530Канаш толшо-влакын кумылыштым савыраш мончам ыштыме. Тудо пу дене олталтеш. Тумо, куэ выньык дене пайдаланаш лиеш. Тыгак сауно, хамам (турецкий монча) улыт, дизайнышт дене толшо-влакым ӧрыктарат. Марий калыкын ожнысо илемже дене палдараш тыште ик пӧртын икымше пачашыштыже ик пӧлемым тошто пӧрт семын келыштарыме. Тыште кужу теҥгыл, ӱстембал, коҥга шеҥгелне — кӱртньӧ койко, азам рӱпшымӧ шепка, ожнысо шифоньер койыт. Суртышто кучылтмо арвер-влакат тошто улыт, пурымек, чынак, тошто марий илемыш логалметла чучеш.
dsc_8577Айдемын чонжым тичмашнек лач мотор пӱртӱс, тымык юж, эҥер вӱд, лыжга мардеж кандарен кертыт, а чапле, мотор пӧртыштӧ лийме канышым эшеат чот пайдалым ышта. Теат «Тихие зори» каныме рӱдерыште ласкан чондам луштарен каналташ миен толза!

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: