"Улам мый Рве-зы-лык!" рубрик, 2017 ий, Пургыж тылзын 27-ше кечыже

Морко рвезе – самырык профессионал

Статьян авторжо Анастасия Эманова

Кодшо кечылаште Йошкар-Олаште «Молодые профессионалы» (WorldskillsRussia) регионысо отборочный чемпионат эртен. Тушто Морко районын шочшыжо Николай Кузьмин «Облицовка плиткой» компетенцийыште участвоватлен.

кузьминНиколай Шап Унчо ялыште шочын, но йоча пагытше Волаксолаште эртен. Рвезе тӱрлым пӱчкедаш, шырчык омартам, я эше иктаж-мом шке кид дене ышташ кумылан кушкын. Куяр поселкысо школ деч вара Йошкар-Оласе строительный техникумыш «Строительство и эксплуатация зданий и сооружений» специальностьлан тунемаш пурен. Кызыт Николай кокымшо курсын студентше. «Тиде специальностьлан тунем пытарымеке, илыме, общественный да промышленный тӱрлӧ объект-влакым чоҥымо, эксплуатацийыш колтымо да олмыктымо пашам ыштен кертам. Ойырен налме специальность чонемлан келша. Ончыкшым шке ыштыме план почеш пӧртым чоҥынем», — палдарыш Н.Кузьмин.

Николайлан 2017 ий кугу сеҥымашым конден. Тений тудо икымше гана WorldskillsRussia регионысо чемпионатыште мастарлыкшым ончыктен да кумшо верым налын. «Мыланем тиде кугу куан. Тыгай кугу конкурсышто эше участвоватлен омыл ыле. Чемпионатыште ме, участник-влак, плитке дене кум модульым ыштенна. Икымше – Москосо Кугу театр, вес модуль – Марий Элынкузьминын пашаже картыже, кумшо – «2017» возыман кӱвар. Чыла тиде пашам ышташ коло кок шагат пуалтын. Икмыняр ситыдымаш лийын, но тидыже умбакыжым профессионал семын кушкаш, мастарлыкым нӧлташ кумылым волтен огыл. Таклан огыл калыкыште йоҥылышым ыштен, тунемына манын ойлат»,  – каласыш рвезе.

Н.Кузьмин яра жапыштыже тренажерный залыш коштеш, фэнтези жанрыште возымо произведений-влакым лудеш, а мӧҥгыштыжӧ аважлан сурт сомылкам ворандарен шогаш полша.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: