"КОНКУРС! КОНКУРС!" рубрик, 2017 ий, Пургыж тылзын 7-ше кечыже

«Чевер ӱдыр, мотор каче»

Статьян авторжо Ирина Ямбаршева

Тыгай лӱман конкурсым увертаренна ыле «Кугарня» газетыште. Ятыр фото пурен. Нуным ончалаш темлена.

14 октябрь № 42

Оля и Дима

Снимкыште Йошкар-Ола гыч Ольга ден Дмитрий Романовмыт улыт. Коктынат Морко кундемыште шочын-кушкыныт. Ты мужыр, куд ий келшымеке, тений сӱаным ыштен.

21 октябрь № 43

фото на конкурс.Снимкыште Йошкар-Ола гыч Валентина ден Евгений Кондаковмыт.
Снимкыште Йошкар-Ола гыч пиалан мужыр Валентина ден Евгений Кондаковмыт.

28 октябрь № 44

Андрей и Настя.

Снимкыште Андрей Дмитриев ден Анастасия Логинова улыт. Нуно ныл ий келшат.

25 ноябрь № 48

Андреевы

Фотошто — Мария ден Евгений Андреевмыт. Маша Москосо М.С.Щепкин лӱмеш театр институт деч вара М.Шкетан лӱмеш театрыште модеш, Женя «Аргус» фирмыште пашам ышта. Ушнымыштлан идалыкат пеле шуэш, ик ӱдырышт уло.

2 декабрь № 49

Таня Шабалина

Фотошто — У Торъял район Какшанмучаш села гыч Татьяна ден Евгений Глушковмыт. 2008 ийыште ушненыт, кок ӱдырышт уло. Йошкар-Олаште илат да пашам ыштат.

9 декабрь № 50

Яковлевы1
Фотошто – Ксения ден Сергей Яковлевмыт. «Пелашем дене 2011 ийыште палыме лийынна. Тылеч вара ойырлен огынал. Вич ий коклаште тӱрлыжымат ужаш пернен, южгунамже ваш-ваш умылыдымашат лийын каен, но чыла сеҥенна. Тений 6 августышто ны пиал, ны ойго мемнам огеш ойыро манын, ваш-ваш мутым пуышна. Йӧратымашым, чон ласкалыкым да эре весела кумылым лудшыда-влаклан тыланен кодына», — каласыш Ксюша.

16 декабрь № 51

Токтауловы
Кажне мужыр шке йомакшым воза, йӧратымаш сӱретшым сӱретла. Женя Олесямыт суртыш 13 ияш годымак кошташ тӱҥалын, Сергей шольыжын лишыл йолташыже лийын. Тудо Олесям шукертак йӧратен, каласаш веле тоштын огыл. Но тиде илышыште чылажат Юмо пӱрымӧ почеш ышталтеш: Олесян йӧсӧ пагытше годым Женя тудын воктене лийын, полышым пуэн да ӱдыр чоным савырен. Жап шумек, марлан лекташ йодын. Токтауловмыт тений 21 октябрьыште черке йӱла почеш мужыраҥыныт да Шернур загсеш возалтыныт.

23 декабрь № 52

Наташ
Фотошто — Наташа ден Саша Шумиловмыт, Йошкар-Ола гыч улыт. Кум ий пырля келшен илат, изи ӱдырышт кушкеш.

13 январь № 2

ольга1
Фотошто — Оля Богачева ден Денис Власов. Ольга – У Торъял кундемын ӱдыржӧ, а Денис – Волжский вел каче. Ныл ий келшат. Тиде волгыдо йӧратымаш нерген изирак ойлымашат возалтын.

20 январь № 3

Тумермыт
Снимкыште ме, Алексей ден Люба Тумермыт, улына. Ешна марий шӱлышан. Вич ий пырля улына. Изи падыраш эргына кушкеш. «Кугарня» газетым кажне арнян куанен лудына.

27 январь № 4

Еменгуловмыт
Фотошто – Альберт Еменгулов ден Кристина Волкова. Нуно 2016 ий 25 апрельыште ушненыт. Альберт вич ий вучен, ик ий шонен коштын да кугу марий сӱан дене ӱдырым налаш толын. Кристина Нижний Новгородысо медицинский академийыште кудымшо курсышто педиатрий отделенийыште тунемеш. А Альберт ӧрдыж кундемыш пашам ышташ кудалыштеш. Еменгуловмытын талукат пелаш Полина ӱдырышт уло. У ий пайремлан Советский район шочмо Кукмарий кундемышкышт толын каеныт.

3 февраль № 5

Рыбаков Демьянова1
Фотошто — Александр Рыбаков ден Надежда Демьянова. Александр Шернур район Пуланур ялыште шочын. Вара еш олашке илаш куснен. Надя Марий Турек район Арбор кундем гыч. Ӱдыр-каче Санкт-Петербургышто медакадемийыште тунемыт: Саша – 5-ше курсышто, Надя – кумшышто. Тыштак икте-весыштым вашлийыныт, ик ий утла келшат.

Красновмыт
Снимкыште пиалан мужыр Игорь ден Алена Красновмыт улыт. Сылне Алена — Кужэҥер район ӱдыр, а Игорь — Советский районын шочшыжо. Кум ий келшымеке, ӱмаште 10 сентябрьыште сӱаным ыштеныт.

10 февраль № 6

Пайдершевмыт1
Фотошто — Татьяна ден Владимир Пайдершевмыт. Тиде мужыр 2016 ий 12 августышто ушнен. Володя Морко район Шеҥше ял гыч, Татьяна Морко район Никольский ял гыч.

Петровмыт1
Фотошто — Йошкар-Ола гыч Ирина ден Александр Петровмыт.

Михайловмыт фотоконкурс

Фотошто — Звенигово район Шелаҥгер поселко гыч Наталия ден Алексей Михайловмыт. Вич ий пырля келшен илат, кок икшывым ончен куштат.

конаковы

Фотошто Владислав и Диана Конаковмыт. 2015 ий 24 июльышто ешым чумыреныт. Диана –Кужеҥер район ӱдыр, Владислав Шернур район гыч. Матвей эргышт кушкеш. «Кугарня газетым шукертсек лудам, утларакшым пытартыш лаштык келша. «Йодышлан уло вашмут» рубрикым поснак йӧратем», — ойла Диана.

Михайловмыт1

Фотошто: Александр ден Татьяна Михайловмыт.
«Салам лийже, шергакан «Кугарня» газет редакций! Вашка тендан деке Марий Турек район тора Арбор кундем гыч Михайловмыт еш. «Кугарня» газетын подписчикше улына. Газетдам кажне арнян чон вургыжын вучена да пеш йӧратен лудына. Пелашем дене 2007 ий 17 августышто ушненна. Вич ий келшенна. Тений ешна 10 ийым палемда. Кок шочшына уло: Юлиан эргына 8 ияш, кокымшо классыште тунемеш, 5 ияш Эрвина ӱдырна Арбор йочасадыш коштеш. Мый Марий пединститутым тунем пытаренам. Кызыт Арбор йочасадыште воспитательлан пашам ыштем. Пелашем Коми Республикысе Усинск олаште водительлан пашам ышта. Ешна марий шӱлышан, коктынат мурен-кушташ йӧратена», — воза Татьяна Михайлова.

НАША СВАДЬБА (120)

Фотошто Валентина ден Михаил Михайловмыт улыт. Валя Йошкар-Ола гыч, а Миша Морко район Изи Шӱргӧ ял гыч. Нуно 2002 ийыште палыме лийыныт, 2015 ийыште мужыраҥыныт. Кызыт ӱдыр ден эргым ончен куштат.

SertifikatКонкурснам иктешлаш жап шуын.

Каҥашымашке «Марий сийгудын» рестораторжо Вячеслав Петрович Воронцов шкежат ушнен. Рестораныште романтик шӱлышан кас кочкышлан 1000 теҥгеаш сертификат Марий Турек район Арбор кундем гыч Татьяна ден Александр Михайловмытлан логалеш. Сертификат дене 10 март йотке пайдаланен шуктыман.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: