"Воштылаш товатат сулык огыл" рубрик, 2017 ий, Ӱярня тылзын 21-ше кечыже

«Воштылаш, товатат, сулык огыл!» конкурс

Статьян авторжо Ирина Ямбаршева

«Кугарня» газет редакций 2017 ий 1 апрельыште М.Шкетан лӱмеш национальный драме театрыште «Воштылаш, товатат, сулык огыл!» мыскара фестиваль-конкурсым эртара.

Конкурсыш тыгай номер-влак дене ушнаш лиеш:

- сценке;

- илышыште лийше мыскара;

- монолог;

- пантомиме;

- анекдот;

- мыскара муро-влак да молат.

Конкурсын йодмашыже:

1. Выступатлыше еҥ «Кугарня» газетын подписчикше лийшаш;

2. Ончыч ончыкталтше номер-влак, аракам йӱмым але моло шала койышым пропагандироватлыме сценке-влак просмотр годым вигак кораҥдалтыт.

3. Номер лу минут деч кужун шуйнышаш огыл.

4. Сеҥыше-влакым палемдыме годым жюри тӱҥ верым содержанийлан, костюмлан, сценыште шкем кучен моштымылан ойыра.

Сеҥыше-влакым окса пӧлек вуча:

I верлан – 5 тӱжем теҥге,

II верлан – 3 тӱжем теҥге,

III верлан – 2 тӱжем теҥге.

Ончышо-влакым поснак кумылаҥдышылан ешартыш (нылымше) приз лийын кертеш.

Конкурсышко ушнымылан оксам тӱлыман огыл. Выступатлаш шонышо мыскараче-влаклан йодмашым редакцийыш колтыман. Конкурсыш ушнышо-влак корно да моло роскотым шке кӱшеш петырат.

Таҥасымашке чыладамат ушнаш ӱжына!

Чыла йодышым 8(8362) 45-11-88, 45-43-72, 89278764402 телефон дене рашемдаш лиеш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: