"Рубрик деч посна", 2017 ий, Ӱярня тылзын 17-ше кечыже

Чия дене “модеш” да калыкым эмла

Статьян авторжо Эльвира Терентьева

 

Россий художник ушемын членже, ЮНЕСКО-н IFA тӱнямбал фондшын членже, II группо инвалид Любовь Веденькинам мастар живописец да график семын веле огыл, тыгак кидпашам ыштыше, тӱрлӧ темылан лекцийым лудшо педагог, монументалист, мастер-модельер, сай организатор да Марий Элын патриотшо семын аклыман. Тыгак ты уста еҥ могай гына пашам шуктен огыл!Чыла сомылжым тудо шинчам куандарыже, калыклан келшыже манын ышта. А кузе лыжган да образым чоҥен кутыраже?! Тыгаяк сылне да шкешотан тудын пашаже-влак улыт.

Фото ЛАВ большое

Йӱксӧ мурем”

Тиде пачката капкылан да суремше ӱпан ӱдырамашын вачӱмбалныже тынаре сомыл! Шке жапыштыже тудын Москошто 20 квадратный метр кумдыкан пачерже лийын. Но патриот улмыжо, Марий Элыште кӱлеш лиям шонымашыже тудым мӧҥгеш шочмо вершӧрыш конден. Тунам Любовь Александровналан Йошкар-Оласе загс пӧлкалан ӱдыр-качын мужыраҥме верышкышт логалаш да тушеч лекташ омса сынан ковёрым куаш темленыт. Тӱҥ ужашыже 18 квадратный метр кумдыкан лийын! Тылеч посна кум метрым пурлаште да, тынарак шолаште да метрат пеле кӱшкӧ ешарен куыман улмаш.

Ӱдыр-качын Мендельсонын вальсше почеш ошкылмо годым керамике гыч ыштыме пеледыш ден лышташ-влак почылтыт да йыҥгыртатыше йӱкым луктыт. Тыге самырык-влак шым тошкалтышым кӱзат да коктын гына саде омса гыч пурат. А туврашым янда гыч ышташ темлыме: туштыжо идалыкын ныл пагытше сӱретлалтын. Тыште мужыр шкенжым тӱрлӧ тӱс дене волгалтше керамике ден гобелен гыч ыштыме воштончышла гоч ужын кертын. Тидыже ты кок шӱмын молан ушнымыж нерген утыр шонаш таратышаш, ӱмыреш мондалтдыме пагытым тыге келыштарышаш улмаш. Вет Люба изинек ачаж ден аважын ойырлымыштлан кӧра ойганен да ешым тичмаш пиал семын аклыман манын шонен илен.

выживание-гобелен Праздник. Гобелен Рябиновые бусы

Советский район Роҥгышто шочшо Любам туныктышылан пашам ыштыше ача-аваже южгунам кече мучкылан петырен коденыт. Тыге вич ияш изи ӱдырлан сӱретлен шинчылташ верештын. А ятыр образше йоча жапысак улыт: Ӱдырамаш-шудо, Ӱдырамаш-вӱд да молат. Ачажын икымше гана “Сейчас пойдём на прогулку” манмекыже, нуно чодыраш каеныт да тушеч нигӧм вашлийде пӧртылмекыже, оҥай йодышым пуэн: “А кушко каен тиде Прогулкаже?” Тунам вигак ӱдыр Прогулкым сӱретлен шынден.

1963 ийыште ачажым “Ончыко” журналыш пашам ышташ ӱжыныт. Тыге Веденькинмыт Йошкар-Олашке илаш кусненыт. Александр Фёдорович варажым Марпединститутышто марий йылме да литератур кафедрыште пашам ыштен.

Умбакыже «Кугарня» газетын 17 мартысе (2017 ий ) номерысе (11(1421) номерыштыже лудса.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: