"Рубрик деч посна", 2017 ий, Ӱярня тылзын 6-шо кечыже

8 март пайрем дене!

Статьян авторжо редактор

Марий Эл Республикыште илыше пагалыме ӱдырамаш-влак!

«Единый Россий» партийын марий кундемысе пӧлкаже тендам икымше шошо пайрем – 8 март кече дене – порын саламла!

Тиде пайрем мемнан илышыш лум шулаш тӱҥалме деч вара икымше вӱд чӱчалтыш да ныжыл кечыйолын шокшыж дене толеш. Чыла вере тамле пеледыш пуш утларак шарла да пӱртӱс помыжалтеш.
Шерге ӱдырамаш-влак, тендан ныжыл шыргыжмашда, тыматле шинчаончалтышда, тендан ласкалык да порылык дене тӱняжат волгыдырак да сайрак лиеш. Воктенна йӧратыме да йӧратыше кумылан улыда гын, ме, пӧръеҥ-влак, кеч-могай нелылыкымат сеҥен лекташ ямде улына.
Тек шошо кумыл тендан чоныштыда идалык мучко озалана, а уло шӱм-чон гыч шолын лекше поро мут 8 март пайремлан гына огыл, тек кече еда йоҥгалтеш. Куанаш да шыргыжашат амал шуко лийже.
Пагалыме ӱдырамаш-влак, чыла нелылык да кӱлдымаш паша деч эреак аралалтше лийза манын тыланыме шуэш, тек лишыл еҥда-влак тендан шотышто эреак азапланат да арален шогат.
Пиалан, таза лийза, чоныштыда ныжылгылык, йӧратымаш кумыл эреак озаланыже!
«Единый Россий» партийын марий кундемысе пӧлкажын секретарьже В.И.Мухин.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: