"Рубрик деч посна", 2017 ий, Вӱдшор тылзын 13-шо кечыже

Ончычсо вуйлатышым кученыт

Статьян авторжо редактор

Россий Следственный комитетын увертарымыж почеш, теҥгече Марий Эл Республикын ончычсо вуйлатышыже Леонид Маркелов шотышто уголовный пашам тарватеныт. Тудым взяткым налме шотышто титаклат.
Маркелов «Акашевская» птицефабрикын ончычсо вуйлатышыже Николай Криваш деч 235 миллион наре теҥгем налын манын палемдат.
Ушештарена, Л.Маркеловым, шке йодмыж почеш, 6 апрель гыч республикым вуйлатыме паша гыч кораҥдыме.
Лишыл жапыште «Единый Россий» партийын Марий кундемысе пӧлкажын политсовет президиумжын заседанийже лийшаш. Тушто Леонид Маркеловын партийыште шогымыж шотышто йодышым ончаш тӱҥалыт. Устав дене келшышын, партийын еҥже шотышто уголовный делам тарватыме гын, следствий жаплан тудын партийыште членствыжым чарен шогалтен кертыт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: