"Саман" рубрик, 2017 ий, Вӱдшор тылзын 21-ше кечыже

Прививке чер деч арала!

Статьян авторжо Светлана Кушакова

24-30 апрельыште Европышто иммунизаций арня эрта. Тений тудо «Вакцине пайдам пуа!» девиз дене лиеш. Кажне еҥ пижедылше чер-влак ваштареш кучедалмаште вакцинын полшымыжо, прививкым кушто да кунам ышташ лийме нерген палышаш. Кызыт иммунизаций — ятыр чер деч сай аралтыш.

Ырлыган (корь, краснуха) – неле пижедылше чер. Тудым вирус шаркала, юж дене куснылеш, умшагӧргым, логарым, шӱлымӧ корнылам, шинчам локтылеш, коваште чӱнча дене леведалтеш. Чер вес еҥлан пеш писын куснен кертеш. Тӱҥ шотышто ты чер дене черланыдыме да привикым ыштымыдыме еҥ-влаклан пижеш. 14 ияш ийготан деч кугурак-влакын чер неле стадийыш кусна, пневмоний, энцефалит вияҥеш.

Тӧрланыше-влакын ты чер деч иммунитет ӱмыр мучкылан лектеш. Прививкым ыштыше-влак 20 ий нареогыт черлане. Тӱняште 20 миллион еҥ ты чер дене кажне ийын черлана, ӱмаште Российыште 162 еҥ черланен.

Республикым ончалаш гын, 2014 ийыште черланыме кум случайым пален налме, 2015 ийыште тыгай лийын огыл.

Тазалыкым аралыме тӱнямбал организацийын 2012-2020 ийлаште ырлыган ваштареш кучедаме стратегический планже почеш, Российыште да чыла Европысо эллаште ты чер деч утлаш цельым шындыме. Тудын почеш национальный календарьыште привикым ыштыме жапым палемдыме.

Талукаш йоча-влаклан, вара куд ияш годым ыштыман.

18-35 ияш ийготан, тыгак 36-55 ияш ийготан да ЖКХ, транспорт, медицине, ужалыме, туныктымо сферылаште пашам ыштыше-влаклан кок гана, кум тылзым коден, прививке ышталтеш. Ты чер деч ончыч черланыдымым палыдыме але ик гана веле прививкым ыштыше еҥ-влакланат вакцинацийым эрташ кӱлеш. Ты чер ваштареш тыге веле кучедалаш лиеш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: