"Илыш йогын" рубрик, 2017 ий, Вӱдшор тылзын 6-шо кечыже

Республикым у еҥ вуйлата

Статьян авторжо Ирина Ямбаршева

Россий президент В.В.Путин «Марий Эл Республикым вуйлатышын полномочийжым жап деч ончыч чарыме» нерген указым подписатлен. Марий Эл Республикым вуйлатышын сомылжым жаплан шукташ А.А.Евстифеевым шогалтыме.

EvАлександр Александрович  1958 ий 14 майыште шочын. 1980 ийыште Свердловский юридический институтым, 2004 ийыште Россий Правительстве пеленысе Финанс академийым тунем пытарен. 1980-2000 ийлаште Свердловский юридический институтышто пашам ыштен. 2000 ий гыч 2002 ий январь марте – Россий президентын Юл кундем федеральный округысо полномочный представительын алмаштышыже. 2002 ий январьыште РФ Федеральный Собранийын Федераций Советшын членжылан палемдыме, тыгодымак Правовой да судебный йодыш-влак шотышто комитетын председательжылан сайлыме. 2004-2012 ийлаште – Индешымше арбитражный апелляционный судын председательже, Москосо Арбитражный судын приниматлыме судебный актше-влакым терген.

Моско областьысе Арбитражный судын председательжылан шогалтыме марте юридический пашаште 30 ий утла ыштен.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: