"Ӱшанем... Вучем..." рубрик, 2017 ий, Ага тылзын 5-ше кечыже

Вашкаш огеш кӱл

Статьян авторжо Татьяна Айтова

Кумло ияш ӱдырамашын шонкалымашыже
Жап шижде эрта. Теве мылам 30 ий теме. Ийгот ешаралтме дене илыш умылымашат вашталтеш. Пӧръеҥ-влак ӱмбак йӧршеш вес семын ончаш тӱҥалынам.
18 ияш годым романтик шӱлыш кӱлын, кызыт тӱҥ верыште – еш, икте-весым умылымаш, аклымаш. Ончыч пеледыш аршашлан, пушкыдо модышлан куаненам гын, ынде иктаж у технике, пайдале кырча-марчам вучем. 20 ияш улмо годым пºръеҥ-влак дене пашаште таҥасенам, а кызыт воктене ӱшанле, виян еҥым ужмо шуэш. Жапым веселан эртарыше, «крутой» рвезе-шамычат тетла огыт кӱл. Йоча площадкыште икшыве-влак дене модшо, шыма пºръеҥ-влакым кажне гана кӧранен ончем. Ушан, шуко палыше еҥ-влак дене мутланаш келшаш тӱҥалын. Молан ондак тыгай рвезе-влак йокрокла чучыныт?
Йӱдвошт дискотекыште, уремыште перныл кошташ кумыл йомын. Шокшо пӧртыштº, йӧратыме еҥ пелен ласкан мутланен шинчыме шуэш. Ача-авам пагалыше, кеч-кунамат полшаш ямде, поро кумылан пºръеҥ-влак утларак да утларак келшаш тӱҥалыныт…
Чылажат вес тӱрлº. Эр марлан лекше йолташ ӱдырем-влакым ончен умылем: 18 ияш годым ик тӱрлº пӧръеҥым ойырет, 30 ияш лиймек, йӧршеш весым. Можыч, чынжымак, вашкаш огеш кӱл. Илыш пелашым муаш да тудын дене ӱмыр мучко йӧратен илаш куштылгыжак огыл. Самырык уш дене шуко йоҥылышым ышташ лиеш.
Елизавета.
Медведево район.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: