"Кидмастар" рубрик, 2017 ий, Ага тылзын 18-ше кечыже

Моторлыкым шӱртӧ дене шочыкта

Статьян авторжо Анастасия Эманова

Йӧратыме сомыл пайрем гаяк, манын ойлат. Кидпашам ыштен, кид лывыргылык вияҥеш, кумыл нӧлталтеш. Тӱрым тӱрлен, я иктаж-мом пидын, урген, чон кана да куана. А кумылын ыштыме пашан лектышыжым чылан ончаш йӧратат. Самырык кидмастар Алёна Яншитова крючок дене шарфым, тувырым, эсогыл курчакымат мастарын пидеш. 

яншитоваАлёна Кужэҥер район Тумньо ялыште шочын-кушкын. Токтайбеляк кыдалаш школышто тунеммыж годым кидпашалан кумылаҥын. «Художественный образованием уке, но школышто технологий урокым йӧратенам. Лач урокышто крючок дене пидаш кумылаҥынам. Варажым ты пашам ыштымым чарненам. Но ӱдырем шочмо дене у шӱлыш почылтын манаш лиеш. Эн ончыч куштылгырак узораным пидынам гын, декрет отпускышто филейный, тунисский узорым пидме50gZEJ1lgto техникылан тунем шуынам. Кызыт ирландский кружевам пидаш тунемнем.

Амигуруми япон пидме искусствылан шӱман улам. Ты технике дене модышым спираль дене пидыт. Реве йомак гыч персонаж-шамычым лач ты технике дене пидынам. Амигуруми модыш объемный лийже манын, кӧргышкыжӧ куэм ластыкым шӱшман.

Кеч-могай паша жапым налеш. Нелырак узоран, кугурак пашам пидаш шукырак жап кӱлеш, адакшым шӱртын кӱжгытшымат шотыш налман. Мый чон-кумыл пашамлан кечеш шагат – шагатат пеле жапым ойырем. Ава да кова-влаклан ойлынем: йочада-влакым творчествылан кумылаҥдыза, тудлан полшен шогыза, мокталташат ида мондо. Тек йоча ужеш, кузе те тудым йӧратеда да ыштыме пашажлан куанеда», - манеш кидмастар.  Jj3MBAGHMXc

А.Яншитова тӱрлӧ тувырым, курчакым чон йӧратен пидеш. Тидыже пашаштыBkhaNDep5Csже сайын коеш, садланак пытартыш жапыште еҥ-влак шукын заказым пуат. Вет шке кид дене ыштыме кеч-можат эн шерге да эн мотор.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: