"Мыланна латкудыт" рубрик, 2017 ий, Ага тылзын 29-ше кечыже

Рафтинг сымыстарен

Статьян авторжо Анастасия Эманова

Шернур район Веткан ялыште шочын-кушшо, 1-ше №-ан Шернур кыдалаш школышто 11-ше классыште тунемше Лена Тимина творчествылан да спортлан кумылан.

2X-oy1cnqGQТудо почеламут-влакым возкала. Икмынярже «Эрвий» альманахыште да «Волгыдо олык тӱрыштӧ» почеламут сборникыште савыкталтын.

«Кокымшо классыште тунемме годым изирак почеламутым возаш мӧҥгысӧ пашам пуэныт. Мыланем тиде оҥайла чучын. Стих куштылгын шочын. Тылеч вара почеламутым возаш тӱҥалынам. Утларакшым шочмо ялем, районем, марий пӱртӱсым моктен возем. Сай кумылан улам гын веле почеламутлам возем, садлан нуным лудын, ойган, шӱлыкан шижмаш огеш шоч. Тӱрлӧ лудмаш конкурслаште участвователнам. Мутлан, «Кече» журналым савыкташ тӱҥалымалан 85 ий темме лӱмеш конкурсышто «Поэзий» номинацийыште кокымшо верым налынам. Яналов лудмаште шке возымо почелуматым сылнын лудмылан икымше верыште лийынам, - каласыш ӱдыр.

Лена гитар дене шокташ йӧрата. Ече да куштылго атлетике дене таҥасымашлаш, походыш коштеш. Рафтинг – спорт сплав – дене заниматла. «14 ияш улмем годым спортын ты экстремальный видше дене заниматлаш тӱҥалынам. Республикысе эҥерла дене пуэн овартыме резинке пушеш шинчын волена. Пеш оҥай, но кид вашке ноя», — палдарыш тунемше.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: