"Илыш йогын" рубрик, 2017 ий, Пеледыш тылзын 22-шо кечыже

«А ме телевизорышто Петям ужынна»

Статьян авторжо Ирина Ямбаршева

Советский район Кельмаксола ялын эргыже Пётр Кожевников ныл ий Марий самырык театрыште, тунамак Курчак театрыште модын. 2014 ийыште Москошко каен. Театрыште модеш, фильмлаште сниматлалтеш. Тидын нерген Петя тыге ойла:

Петя Тень Сталина- Москошто тӱрлӧ пашам ыштем: театрыштат модам, кинош сниматлалташат коштам, машина денат кудалыштам. Театр нерген тыге каласем. Тиде частный театр. Тудын шке зданийже уке, репетицийлан гына сценым арендоватлена. Гастроль дене Россий мучко коштына. Спектакль-влак йоча-влаклан шындалтыт. Актёр-влак чыланат тӱрлӧ олала гыч улына.

Йошкар-Ола гыч толмеке, вигак кастинглаш кошташ тӱҥалынам. Вара кинопробышко ӱжыныт. Тыге кинош логалынам. Икмыняр фильмыште да сериалыште эпизодлаште модынам: «Интерны», «Власик. Тень Сталина», «8 новых свиданий», «Дело врачей», «Кодекс чести», «След», «Карпов», «Земский доктор», «Оса», «Бессонница» да молат. «Братаны» сериалыште Алексей Кравченко дене пырля сцене ыле, «Универыште» — Станислав Ярушин да Настасья Самбурская дене, «Реальные пацаны» сериалыште — Николай Наумов дене. «Прокурорская проверка» сериалын ик серийыштыже тӱҥ Петя2персонажым модынам. Тиде отрицательный роль лийын. Тыгак документальный фильмлаште модынам: «Криминальная Россия» сериалын «Доктор «Смерть» серийыштыже, «Без срока давности. Минский отравитель» фильмыште. Икманаш, творчески кушкаш да мастарлыкым нӧлташ йӧн, а эн тӱҥжӧ — кумыл уло!

Петян модмыжым родо-тукымжо эре ончаш тыршат, тудын дене кугешнат. Мария пелашыже ойла: «Фильм-влакын экраныш лекмыштым эреж годым шекланен ом шукто. Но йолташ-влак «А ме телевизор дене Петям ужынна» манын вигак шижтарат. Тунам интернетыште ончем. Пелашемын ыштыме пашажым аклем. Модмо рольжо нерген шуко кутырена, сюжет корным лончылена: молан тыште тыге модын, а вес вере — вес семын».

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: