"Конкурс" рубрик, 2017 ий, Сӱрем тылзын 24-ше кечыже

Президентым ӱжыныт

Статьян авторжо Анастасия Эманова

Национальность паша шотышто федеральный агентстве да межэтнический журналистике гильдий калык-влак да конфессий-влак кокласе кыл нерген эн сай материалым ыштыше СМИ коклаште «Смиротворец» IXВсероссийский конкурсым увертартеныт.  

статуэтка, врученная 20.07Конкурс «Реализация государственной национальной политики» кугыжаныш программе негызеш эртаралтеш. Сеҥыше-влакым куд номинацийыште: «Телевидений», «Радио», «Прессе», «Интернет», «Йоча да самырык-влаклан СМИ», «Этнотуризм» — палемдат. «Поколение мультимедиа» номинацийыште медиа-пространствыште этнокультурный тематикым эн чын почын пуышым ойырен налыт. Тушто вузысо студент-влакын пашаштым аклат.

Конкурсыш 2016 ий август  гыч 2017 ий 1 август йотке савыкталтше (эфирыште йоҥгышо) материал-влакым колтыман.

Округысо этап-влак лийыт. Юл кундем федеральный округышто эн сай журналист-влакым 15 сентябрьыште Калмыкийын рӱдӧ олаштыже – Элистыште – ойлат. Октябрьын икымше пелыштыже Урал да Сибирьысе федеральный округлаште финал лиеш. Округысо этапыште икмыше верым налвше-влакын лӱмыштым шорт-листыш пуртат. Калык-влак кокласе кыл тематикым эн сайые почын пуышо журналист-влакым 28 ноябрьыште Москошто палемдат.

Конкурсын положенийже нерген  http://concours.nazaccent.ru/2017/ ссылке дене куснен пален налаш лиеш.

28 ноябрьыштек лийшашлык мероприятийыш Россий Президент Владимир Путиным ӱжыныт. Межэтнический журналистике гильдийым вуйлатыше, конкурсын оргкомитетшын председательже М.Лянге В.Путинлан тӱҥ призым – шуко кечыйолан стилизоватлыме кечым пӧлеклен.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: