"Кидмастар" рубрик, 2017 ий, Сӱрем тылзын 28-ше кечыже

Суртводыж пиалым конда

Статьян авторжо Анастасия Эманова

Оршанке посёлкышто илыше Олеся Шабалина тӱрлӧ технике дене моторлыкым шочыкта. А творчествылан тудым ӱдыржӧ кумылаҥден.

шабалинаКидмастар эн ончыч изи ӱдыржылан упшым, пинеткым, шляпам крючок дене пидын. Вара канзаши технике дене ӱпыш ободокым, резинкым ышташ тунемын. Мастарлыкшым кажне ыштыме пашаж дене нӧлтен. Еҥ-влакланат йодмо почеш ыштен, но утларакшым пӧлеклаш йӧрата. Ик техникылан X_kRxlyIGKoтунеммеке, уым пален налме шуын. Тыге топиарий пушеҥгым ышташ тунемын. А пел ий ончыч суртводыж курчак-влакым ышташ шӱмаҥын. Ожнысек суртводыж сурт-печым осал деч арала, ешыште ласкалыкым куча, пиалым конда манын ӱшанат. Садлан суртводыжын курчакше мӧҥгыштӧ лийшашак, шукын шонат. Ончыч тудым кӱжгӧ вынер да олым гыч ыштеныт, а кызыт капрон колготкым утларакшым кучылтыт. «Тыгай курчакым ышташ LBPZ06617nIмоткоч оҥай. Кажне гана ыштет, эре тӱрлӧ лиеш. Капрон куэмыш синтепоным шӱшкам, вара кӱлеш семын керыштме коклам ыштем (стежка) да шышталге тӱсан шӱртӧ дене ургем. Кидпашам-влакым тӱрлӧ ярмиҥгашке луктам. Налше-влак улыт. Кажне курчакым але эше иктаж-могай вес кидпашам уло кумыл дене, йӧратен ыштем. Пӧлек шотеш кучыктем. Мутлан, марий суртводыжым эстонец-влаклан пӧлекленам. Нуно шукерте огыл мемнан кундемыш уналыкеш толыныт ыле», — каласыш О.Шабалина.     ML19L0dtNhk

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: