"Чон-кумыл паша" рубрик, 2017 ий, Сӱрем тылзын 28-ше кечыже

Тошто семын тӱрла

Статьян авторжо Анастасия Эманова

Лидия Вениаминовна Кудрявцева дене «Кугезе мланде» этнокультурный фестивальыште (тудо 8 июльышто Килемар район Церкїсола села воктенысе изолыкышто эртен) палыме лийынна. Тудо кидпаша ярмиҥгаште оҥай, марий шӱлышан тӱрлӧ сӧрал арверым ужален шоген.

20170708_113251«Тошто семын шола гыч мел могырым тӱрлем. Тидлан мыйым ковам да авам изинек тӱрлаш туныктеныт. Шочынам У Торъял район Пектубай ялыште, а илем Медведево район Озакъялыште. Тылеч посна шер гыч картиным «сӱретлем», тӱрлӧ сӧрастарыме ӱзгарым, пеледыш аршашым ыштем. Шер дене ыштыме годым вуйдорык кана, чыла оккӱл шонымаш мондалтеш. Тӱрлӧ тӱсан шер пырчым шӱртыш кереден, полотнош «ургыман». Вара тудым лӱмын ямдылыме рамке дене пеҥгыдемдат. Тылеч посна фоамиран куэм гыч пеледышым ыштем. Тидлан кидмастар Эльвира Рамазановалан таум ыштем. Тудо Медведево посёлкысо калык усталык рӱдерыште фоамиран гыч тӱрлым ыштыме шотышто мастер-классым эртарен. Мый марий улмемым пашам гоч ончыктем. Тӱрлӧ этнокультурный фестивальлаште палдарем. «Марий вургем» фестивальыште кок гана участвоватленам. Кок ий ончыч тушто «За изучение и сохранение традиционного костюма» спецдиплом дене палемдалтынам. Марий тӱран кажне пашам машина дене огыл, а шке кид дене ыштем», — палдарыш Л.Кудрявцева.  

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: