"Рубрик деч посна", 2017 ий, Сорла тылзын 4-ше кечыже

Геройым шарныме лӱмеш

Статьян авторжо Светлана Кушакова

2 августышто Йошкар-Оласе Сеҥымаш бульварыште Россий Герой Марк Евтюхинлан бюстым почмо. Тиде кечынак каныме рӱдӧ паркыште Воинский чап монумент воктене Россий юж-десант войскам ыштымылан 87 ий темме вашеш митинг лийын.

Мероприятийыште президентын Юл кундем федеральный округышто полномочный представительже М.Бабич, республикым вуйлатыше А.Евстифеев, тӱҥ федеральный инспектор П.Журавлев, Марий Эл Республикысе правительствым вуйлатышын икымше алмаштышыже, республикым вуйлатышын администрацийжым вуйлатыше С.Сметанин, «Йошкар-Ола» ола округын депутат-влак погынжым вуйлатыше А.Принцев да Йошкар-Олан мэрже Е.Маслов лийыныт.

Тылеч посна республикнан рӱдолашкыже М.Евтюхинын аваже да шольыжо, 6-шо ротын ончычсо военнослужащийже-влак, колышо десантник-влакын ача-авашт толыныт. Тыгак мероприятий годым «Юнармия» военно-патриотический мер толкыныш йоча-влакым пуртеныт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: