"Рубрик деч посна", 2017 ий, Сорла тылзын 25-ше кечыже

Инвалид-влаклан участкым келыштарыме

Статьян авторжо Светлана Кушакова

Республикым вуйлатышым сайлымаш кечын, 10 сентябрьыште, сайлыше-влак кеч-могай участкыште йӱкыштым пуэн кертыт.

26 июль гыч 4 сентябрь марте верысе сайлыме комиссий ден шуко функциян рӱдер-влак сайлыме кечын кушто лийме почеш сайлыме шотышто йодмашым погат. Тыгай права тений 1 июньышто федеральный законыш вашталтышым пуртымылан кӧра лектын. Участковый сайлыме комиссийлаште тыгай йодмашым 30 август гыч возаш лиеш.

Верысе сайлыме комиссий-влак паша кечын 12 гыч 20 шагат, каныш кечылаште 11 гыч 15 шагат марте пашам ыштат. Шуко функциян рӱдер-влак олалаштат, район рӱдерлаштат улыт. Йошкар-Олаште Эшкинин урем, 8-ше №-ан пӧрт адрес дене верланен.

Инвалид-влаклан сайлыме участкым лӱмын ямдылыме. Адресше: Йошкар-Ола, Ленин проспект, 101-ше пӧрт (29-ше №-ан школын икымше блокшо). Нуным участке марте социальный автобус коштыкташ тӱҥалеш. Сайлаш шонышо инвалид-влак 1 сентябрь марте тыгай телефон дене йыҥгыртышаш улыт: Марий Эл ЦИК-ын «шокшо линийже» — 240-220 (кажне кечын 9 гыч 17 шагат марте), Йошкар-Оласе 1-ше ТИК – 64-19-47 (кажне кечын 10 гыч 18 шагат марте), Йошкар-Оласе 2-шо ТИК – 42-14-47 (кажне кечын 10 гыч 18 шагат марте), 34-ше №-ан УИК – 21-67-32 (кажне кечын 9 гыч 18 шагат марте). Участковый сайлыме комиссийын членже-влак 1 гыч 4 сентябрь марте, инвалид-влак деке мӧҥгышкышт толын, йодмашым возаш полшен кертыт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: