"Рубрик деч посна", 2017 ий, Сорла тылзын 14-ше кечыже

Медведев Юл кундемысе партактив дене вашлийын

Статьян авторжо редактор

Россий правительстве вуйлатыше Д.Медведев «Единый Россий» партийын Юл кундем федеральный округысо чолгаеҥже-влак дене Пензыште вашлиймашым эртарен. Тушто ипотеке кредит ставкым иземдыме, чоҥымо паша, ола да ялласе кумдыкым тӱзатыме программе-влак шотышто, школлаште йоча-влаклан тунемме верым шукемдыме йодышым каҥашеныт. Совещанийыште Марий Эл Республик вуйлатышын пашажым жаплан шуктышо А.Евстифеев ден «Единый Россий» партийын Марий кундемысе пӧлкажын секретарьже В.Мухин лийыныт.
Россий премьер-министр Д.Медведев тидымат ушештарен: Юл кундем федеральный округышто тений сентябрьыште куд регионышто сайлымаш эрта. Сайлымаш чыла шотыштат шот дене да чын эртышаш, тыге гына калыкын ӱшанжым сулаш лиеш, палемден тудо.
«Единый Россий» партийын Марий кундемЕР_1982ысе пӧлкажын секретарьже, Кугыжаныш Погынын депутатше В.Мухин республикыште верысе инициативе программе почеш паша сайын шукталтеш манын палдарен, тыгак «Оласе среда» программым саемдаш икмыняр йӧным темлен.
Д.Медведев чыла темлымашым «Единый Россий» гоч колтена да Россий кӱкшытыштӧ ончаш тӱҥалына манын ӱшандарен.
Э.Иманаев.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: