"Рубрик деч посна", 2017 ий, Сорла тылзын 4-ше кечыже

Регистрацийым эртеныт

Статьян авторжо Светлана Кушакова

26 июльышто 18 шагатлан республикым вуйлатыше лияш шонышо кандидат-влак деч регистрацийым эрташ документым погымо жап лектын. Куд кандидат гыч регистрацийым ныл еҥ: А.Евстифеев, А.Фёдоров (ЛДПР), Н.Глущенко (Справедливый Россий), В.Злобина («Российская партия пенсионеров за социальную справедливость») — эртеныт.

Кок кандидат- Н.Семёнов («Российская экологическая партия «Зелёные»), А.Смышляев («Гражданский платформо») документым конден огытыл. Икымше кандидатым, А.Евстифеевым, 27 июльыштак регистрироватлыме. Молыштлан 1 августышто рӱдӧ сайлыме комиссийын погынымаштыже официально кандидат улмо шотышто удостоверенийым кучыктымо. Нуно чыланат республикысе муниципальный образованийласе представительный орган депутат-влакын кӱлеш наре подписьыштым погеныт. 12 август гыч кандидат-влак агитацийым СМИ-лаште эртараш тӱҥалыт.

10 сентябрьыштак республикысе Кугыжаныш Погынын депутатше-влакым Козьмодемьянскысе (13-шо №) да Волжскысо (14 №) ик мандатан сайлыме округлаште сайлат. 26 июльышто депутатыш кандидат-влак чыла документым пуэн шуктышаш улыт ыле. Ныл политический партий — Единый Россий, Справедливый Россий, ЛДПР, КПРФ — шке кандидатыштын спискыштым пуэныт. Кок округышто чылаже кандаш кандидат погынен, иктыже шкенжым шке темлен. Козьмодемьянскысе 13-шо №-ан сайлыме округышто кандидат-влак: Н.Глущенко (Справедливый Россий), М.Королев (КПРФ), В.Плахов (ЛДПР), С.Громова (Единый Россий)улыт.

Волжскысо 14-ше №-ан сайлыме округышто: Г.Моисеев (Справедливый Россий), И. Кудрявцев (КПРФ), С.Федоров (Единый Россий), А.Федоров (ЛДПР), Л.Гафиатуллин (самовыдвиженец).

Козьмодемьянск олаште, Медведево район Куяр, Волжский район Памар, Советский район Роҥго ял шотан илемлаште депутат-влакым сайлышаш улыт.

1 августлан кандидат-влак чыла кӱлеш документым пуэн шуктеныт.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: