"Улам мый Рве-зы-лык!" рубрик, 2017 ий, Идым тылзын 18-ше кечыже

«Кна велын» куштызыжо

Статьян авторжо Анастасия Эманова

Татарстан Республик Кукмара район Курыкымбал ял ӱдыр Ангелина Ирболдина марла кушташ да мураш йӧрата. Ончыкшым илышыжым тӱвыра алан дене кылдаш шона.

ирболдинаАнгелина Починок Кучук кыдалаш школышто 10-шо классыште тунемеш. Уло яра жапшым чон-кумыл пашажлан  — куштымашлан — ойыра. 2-шо классыште тунеммыж годым ӱдыр «Кна вел» марий фольклор ансамбльыш кошташ тӱҥалын. «Коллективна тӱрлӧ фестивальлаште, конкурслаште участвоватла. Республикысе смотрлаште ятыр гана лауреат да дипломант лийынна. Ансамбльын художественный вуйлатышыжеуста пӧръеҥ Леонид Александрович Искаков. Ме шуко кундемыш гастроль дене коштына. Эстонийыште, Финляндийыште, Тюменьыште, Набережный Челнаште, Йошкар-Олаште да моло олалаштат мастарлыкнам ончыктенна. Ансамбльыш йоча да кугурак-влак коштыт. «Кна вел» кок ий ончыч 30 ияш лӱмгечыжым пайремлен. Починок Кучук ялысе клубышто чапле концертым ончыктенна, — каласкала А.Ирболдина. – Кушташ да мураш моткоч йӧратем. Марий культурна дене уло тӱням палымым ыштыме шуэш. Тений Марий Элыш Палантай лӱмеш тӱвыра да сымыктыш колледжыш тунемаш пураш толнем ыле, но тӱрлӧ амаллан кӧра кертын омыл. Вес ийын шонымашем шукталтеш шонем».

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: