"КОНКУРС! КОНКУРС!" рубрик, 2017 ий, Идым тылзын 22-шо кечыже

Ну, каза!

Статьян авторжо Ирина Ямбаршева

конкурсФотолан оҥай почеламутым возен колташ кӱлеш. Лудшына-влак деч ятыр паша пурен. Нуным ончалаш темлена. Конкурсым 7 октябрьыште иктешлена.

Казам авам кӱтӱш  ужатен,

А тудо тушечын чошен.

Мотор пушеҥгым ужын,

Шӱвылвӱдшӧ вигак лектын.

Авам вӱдлан лекте,

Ончале. Мо магыра?

Пушеҥге деке тольо -

Пу воктен шога каза.

- Тиде каза,

Конешне, дереза.

Екатерина Рассанова.

Морко район, Коркатово лицей, 3 а класс.

Ик эрдене,

Порт воктене,

Мый тендам вучен шогем.

Толын шуыда шонем…

Ирина Сеньгина (Иштубаева).

Йорга каза, кок йолжым кӱшнӧлталын,

Ваштар воктен тораш ончен шога:

Пӱртӱсмотор, ашудыжомыняре!

Изиш шогем кокйола, шоналта.

- Ала мыят моштем озамла коштын?

Ала кертам кок мутым пелештен?

Кок пылшым шогалтен да колыштеш:

«Салам» каласыш икте весылан.

- Кузе манеш пошкудо? Сала-а-а-м?

Лизук кокай шинчажым пашкартен.

Изи Манюк улмаш озаж ден кутыра.

Христина Александрова.

Ах, каза, каза, каза,

Могай мотор улам, те ончыза!

Мотор пондашым ончыктем,

А изи поч ден пӱтырем,

Чолга кӱчымчиялтем,

Да урем ден мый каем.

Мыйым тек чылан ончат,

Ялыште мый шкет тыгай лиям!

Владимир Албаев.

Ну мом тыге те ончеда?

Салам! Мотор каза дечын, салам!

Мый фотосессийым ыштынем,

Да «КУГАРНЯ» газетыш логалнем!

Те почеламутым возыза,

Да мыйым, моторым ончыза.

Те чыла марий калыклан

Мыйын нерген каласыза,

А вара мый дечем пӧлекымвучыза!

Владимир Албаев.

 

***

Акай, шогалын топ-модель гай,

Тырша пеш шкенжым сниматлаш.

Мотор лектеш лач ир пушеҥге,

Ок келше фото, икманаш.

Тыгат-тугат шога акамже,

Ужар лышташым авалтен.

Кычалыштеш, а мо оҥайже -

Шке оҥжымончыкшаралтен.

Почешыже коштеш пошкудо -

Чеченле Роза, ош каза.

Ончен акамым, теве тудо

Пушеҥгыш, вуйнӧлтен, кӱза.

Модель улеш тудат, ончал-ян:

Мотор, ошалге да чызан.

Мый, писын камерым чӱкталын,

Возем пушеҥгеденказам.

Саша Токтаров.

 

Мый каза пондаш улам,

Тышке туш тӧрген коштам.

Селфим мылам ыштыза да газетыш колтыза!

Тамле шӧрым мый пуэм,

Да тендам чот чаманем!

Роза Громова.

Мый улам тӱканКАЗА,

Вӱтасевольыкыноза!

Шудым тамлым пукшыза –

Шӧратлиештыгепайдан!

Пукшыза чыла азам!

Теат кочса — лийза ТАЗА!

Екатерина Тетерина.

 

Эх, адак йолташ-влакем:

Ушкал, шорык, казажат -

Каят тӱшкан погынен.

Ончен кодым вет тачат.

Мочол мыйжат пырля лийын,

Нунын дене кайынем.

Озамланже тамле шӧрым

Утларак вет кондынем.

Ну тӧчем, ончал колтем.

Тышке-тушко тӧршталтем.

Ом керт чылтак мучыштен.

Эх,озам кылден коден.

Шуо жап моткоч оҥай -

Улам шкетын уремлан.

А вет лийын чылажат:

Ужар олык, пасужат,

Эртен кайыше кӱтӱжат,

Капка ончыл теҥгылыште

Шыргыжалше озамжат.

Пӱрымаш тыгай улмаш,

Кодым самырык кидеш.

Шудым пурлын лач ончаш

Кодат пушеҥге тӱҥеш.

Рая Смирнова.

Пӱртӱсыштӧэнтамлыжым,

Пушеҥгыштеэнтутлыжым

Каза кочкеш да шӧрыммыланемпуа.

Кеч тӱкыжӧторешгынат,

Пондашыже сураҥшырак,

Но шеҥшекойышыжо нигӧдечура.

Вера Гордеева.

*  *  *

Коштмо огеш шу

Эре кӱтӱштӧ.

Каза шыле

Пасу тӱрышкӧ.

Тудым огеш уж

Вӧдыр кӱтӱчӧ.

Ынде – эрыкыште,

Кайыш ялышке.

Кечыгут ончен,

Шеҥын коштеш.

Кас лиймеш

Кайыш изуремышке.

О, мочол садер

Тыгай сылне верыште.

Рожга лышташым,

Кокйола шоген.

Ончылныжо — пакча.

Кушкеш шуко

Пакчасаска.

Пурен лекте пакчашкат.

Чеслын авызлыш

Ковыштам, ушменым.

Тыге перныл,

Шеҥын коштын.

Шижын огыл жапымат.

Каяш шуо мӧҥгышкат.

Кушто коштын,

Мом ыштен?

Ужын огытыл иктат.

Анатолий Александров.

Морко район, Йошкарэҥер ял.

*  *  *

Мый каза тугай улам,

Кӱтӱш каяш ӧрканенам.

Пушеҥге шеҥгек шылынам,

Озам деч кузерак утлаш?

Ала пушеҥгыш кӱзышаш?

Кузе гын укшышко шуаш?

Тушто лышташ тамлырак,

Лиешыс шер теммеш кочкаш.

Озам тек мыйым йомдара.

Кастен уремышке лектеш.

Тудлан кӱшӱчын мый тунам

Манам: «Салам, тылат, бээээ!»

Максим Лапин.

Параньга район, Кугу Пумарий школ, 4 класс.

*   *  *

Мый чоя каза улам,

Лачак шорык гая коям.

Уло икте ойыртем,

Озам эр-кас лӱшталеш.

Мый пушеҥгым йӧратем,

Тудо поро йолташем.

Ӱмылыш каен шылам,

Озавате деч йомам.

Озавате йомдарен,

Пешак мыйым кычкырен.

А мый шыпак ончалам

Да вӱташке кудалам.

Зинаида Богатырева.

Марий Турек район Косолапово.

*  *  *

«Кугарня» газетым налын,

Мый уремыш ошкылам.

Ошкылам да шонкалем:

Мом кочкаш да мом йӱаш?

Рвезе-влак ден суртозам

Тамле шӧрым пеш вучат.

Мыйым нуно йӧратат,

Эре тамлын вел пукшат.

Шогылтам да шонкалем:

«Кугарняже» мом воза?

Моткоч шуко сай уверым

Мый моткочак палынем.

Вот тыгай улам каза,

Ты пушеҥгылан оза.

Тау лийже, «Кугарня»,

Сай илем мый ик арня.

Н.Майоров.

Провой вел, Шолэҥер поселко.

*  *  *

Эх, илышет -  ӱмырет,

Молан илем, кӧлан кӱлам?

Водар лӧчен, ӱнар  уке,

Кузе мӧҥгӧ пӧртылам?

Фермыш каяш огеш лий,

Ушкалым гына лӱштат.

Ориентиремат уке,

Куш каяш гын, ом пале.

Озавате ок кычал,                                                                                                                                                                                                     Огешат вет ойгыро.

Водарем пеш чот коршта

Кеч алкашлан лӱштыктӧ.

Владимир Арспаевич Куклин.

Башкортостан, Бирск район, Старобурново.

 

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: