"Шинчымаш кугорнышто" рубрик, 2017 ий, Идым тылзын 18-ше кечыже

Спортзалым олмыкташ – миллион теҥге

Статьян авторжо Анастасия Эманова

Май мучаште «Кугарня» газет редакций пашаеҥ-влак Кужэҥер район Коҥганур кыдалаш школын стадионыштыжо тошто модыш-влак дене модмашым эртарыме ыле. Тунам школысо спортзалыште олмыктымо пашам тӱҥалаш шоненыт улмаш. Июльышто паша воранен каен да у тунемме ийыште йоча-влакым уэмдыме чапле спортзал вучен.

Zsopdjm1Gek«Йоча спорт» Всероссийский проектыш логалынна. Спортзалым олмыкташ федеральный бюджет гыч 1 миллион теҥге оксам пуэныт. Тиде окса дене тувырашым, пырдыжым чиялтыме, ӱдыр-рвезе-влаклан посна раздевалкым да душевой кабине-влакым ыштыме, пластик окна-влакым шындыме, электровошторым вашталтыме. Ынде спортзалыштына шокшо, волгыдо да сай. Ынде тыште физкультурым туныктышо Евгений Иванович Быковлан пашам ышташ чыла йӧн уло. Ӱшанена: вашке у автобусна лиеш. Школышкына 10 утла ял гыч йоча-влак тунемаш коштыт. Автобусна тоштемше, тудым вашталташ жап шуын», — палдарыш школын директоржо Зоя Николаевна Шубина.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: