"Рубрик деч посна", 2017 ий, Шыжа тылзын 19-ше кечыже

«Марий ӱдыр — сылне ӱдыр»

Статьян авторжо Татьяна Айтова

Вика33Вика33Вика33 Вика33пКодшо арнян Кужэҥер район Йӱледур тӱвыра пӧртыштӧ «Марий ӱдыр — сылне ӱдыр» конкурс лийын. Тушто районысо тӱрлӧ ялла гыч куд ӱдыр шке вийжым терген. Конкурсын ик чолга участницыже – Виктория Мамаева.

Ӱдыр-влак шкешт нерген презентацийым ыштеныт, тӱрлӧ кидпашаштым ончыктеныт, марий кочкышым ямдыленыт. Тылеч посна уш-акылым тергыме конкурс, художественный номер-влак лийыныт. Вика тушто поснак ойыртемалтын. Тудо гармонь сем почеш тошто марий куштымашым ончыктен.
«Калык шокшын вашлийын, — ойла Виктория, — мыйым зрительский симпатий диплом дене палемденыт. Конкурсышто участвоватлаш мыланем келшен, шуко ум пален налынам».
Вика Кугу Регеж ялеш шочын. 9 классым Йывансола школышто тунемын, кызыт Йӱледур селаште 10-шо классыште шинчымашым налеш. Марий йылме ден литератур предмет-влакым йӧрата. Ӱмаште марий йылме дене олимпиадыште кокымшо верым сеҥен налын. Тыгак почеламут-влакым сылнын лудеш, кажне ийын «Конкурс чтецов» ден «Живая классика» конкурслаште шке вийжым терга. Яра жапыште Йывансола клуб пеленысе «Алсаска» ансамбльыш коштеш. Шукерте огыл изаж дене пырля «Мурсескем» ансамбльыш ушнен. Тылеч посна «Видеофильм-влак» конкурсышто участвоватлен. Тушто «Эх, сӱан, сӱан. Сылне марий сӱан» киношто сниматлалтын.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: