"Улам мый Рве-зы-лык!" рубрик, 2017 ий, Шыжа тылзын 13-шо кечыже

«Маска-влакым» вашлийыныт

Статьян авторжо Светлана Кушакова

8 октябрьыште «Олимп» стадионышто Сочиште эртаралтше А.А.Соколовым шарныме лӱмеш регби дене Россий турнир гыч сеҥымаш дене пӧртылшӧ Медведево поселкын командыжым вашлийыныт. Таҥасымаште 15 регион гыч 20 команде участвоватлен.

Медведи. Российская победа (4)Наказанийым шуктымо федеральный службын республикысе управленийжын специальный назначениян «Ястреб» отрядшын боецше, подполковник Алексей Ульянкин «Маска-влакым» (тыге мемнан команде маналтеш)кок ий наре тренироватла. Ты жапыште команде икмыняр танасымаште шкенжым сайын ончыктен гынат, Сочисе сеҥымаш Марий Элыште регби вияҥмым тудо палемден.

Тренер А.Ульянкин йоча-влакым сайын ямдылен. Шке подгруппышто «Маска-влак» икымше верыш лектыныт. Нуно Наро-Фоминск (35:0) ден Санкт-Петербургысо (30:0) команде-влакым куштылгын сеҥеныт. Пенза областьын командыж дене нелын модыныт. Модмаш нулевой ничья дене пытен.

Турнирын финалыштыже мемнан команде Татарстан Республикын сборныйжо дене таҥасен, 20:10 счет дене сеҥен. Эн сайын модшылан Никита Шулеповым шотлымо. Кубокым регби дене Россий сборныйын капитанже Владислав Коршунов кучыктен. А.Ульянкинын палемдымыж почеш, тудо телым регби дене Зеленоградыште эртышаш представительный йоча тунирыште участвоватлаш йодмашым колташ шона.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: