"Саман" рубрик, 2017 ий, Шыжа тылзын 20-шо кечыже

Пашам муын пуат

Статьян авторжо Анастасия Эманова

Марий Эл Республикысе калыклан паша верым ситарыме шотышто рӱдерлаште начар тазалыкан еҥ-влаклан эреак полшаш тыршат. Инвалид-влаклан месячникым, вакансий ярмиҥгам, тӱрлӧ предприятийысе кадр службо-влакын пашаеҥышт дене начар тазалыкан еҥ-влаклан келшыше паша верым пуымо шотышто совещанийым эртарат.

Россий Пенсий фондын Марий Элысе пӧлкажын данныйже почеш, республикыштына пашам ыштен кертше ийготан 18760 инвалид уло, тушеч 3797 еҥже веле пашам ышта. Калыклан паша верым ситарыме шотышто рӱдерлаш тений 1 октябрьлан 720 инвалид толын. Рӱдерын специалистше-влак кажне еҥ дене посна мутланат, нунын тазалыкыштым шотыш налын, паша верым кычалаш полшат. Тыге таче кечылан 218 инвалид паша верым муын.

Индеш тылзыште республикыште инвалид-влаклан 14 вакансий ярмиҥгам эртарыме. Тушто 39 предприятий 55 вакансийым темлен. 14 еҥлан паша верым пуэныт.

Паша верым ситарыме шотышто рӱдерлаште тылеч посна социальный адаптаций шотышто занятийым эртарат. Пашам ыштыдыме 243 инвалид тыгай занятийлаште лийын. Начар тазалыкан 738 еҥ профориентаций шотышто занятийыш коштын. Рӱдер туныктымо курсыш ик инвалидым колтен.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: