"Олимп" рубрик, 2017 ий, Кылме тылзын 3-шо кечыже

Вургем лавыргымешке модыныт

Статьян авторжо Ирина Ямбаршева

Торъял01Ме, «Кугарня» газет редакций пашаеҥ-влак, 30 октябрьыште У Торъял район Тошто Торъял селасе школын коллективше дене вашлийынна. Йоча-влакым пионербол,  лапта,  городки,  «Ош вӱльӧ» модыш-влак дене модыктенна. Кум команде: «Кӱшыл Торъял», «Ӱлыл Торъял» да «Нурмо» — писылыкым ончыктен.

Торъял1Йоча-влак, шинча йӱлен, тӱрлӧ таҥасымашлаште участвоватленыт, кажныже писе улмыжым, чолгалыкшым ончыкташ тыршен. Каныш кечылаште лийше йӱр деч вара мланде эше кошкен шуын огыл ыле. Туге гынат тидыже куан кумылым волтен огыл. Кугурак класслаште тунемше ӱдыр-рвезе-влак стадионышто лапта дене таҥасеныт. Вургем лавыргымешке, мландыште пӧрдалмешке модыныт.

Стадионыштак городки дене модынна. Шоналташ гын, кужу тоям кышкен, вич пу цилиндр дене тӱрлӧ семын «чоҥымо» фигурым шалаташ мо неле? Шке модын ончалын веле, тудын нелылыкшым умылет. Директор Иван Николаевич Ельмекеев, тоям   кудалтен, фигурым   иканаште шалатен керте. Йоча-влак, туныктышо-шамыч, меат, вашла таҥасен, городки дене модын моштымынам ончыкташ тӧчышна, иктаж луымшо-латвизымшылан веле «олам» шалатен кертна.

Торъял55-8-ше класслаште тунемше йоча-влак тыгак кум командылан шелалтыныт да пионерболла модыныт. Изирак класслаште тунемше-влакым «Ош вӱльыла» икте-весым кид дене шке могырыш шупшын модыктенна.

А ме школын туныктышо коллективше дене волейболла модна. Туныктышо-влак тале улыт улмаш. Уло вийнам пыштен, пӱжалт-пӱжалт, нуным содыки сеҥен кертна. Шижалтеш, школышто спортым изижге-кугужге йӧратат, таза илыш-йӱлам кучат.

Анастасия Эманова.

Иван Речкинын фотожо-влак.

Торъял03

Торъял05

Торъял7Торъял9

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: