"Сылнылык тӱня" рубрик, 2017 ий, Кылме тылзын 24-ше кечыже

Йочадам Курчак театрыш кондыза

Статьян авторжо Анастасия Эманова

15-19 ноябрьыште Йошкар-Оласе Курчак театрыште Российысе курчак театр-влакын «В гостях у Оле Лукойе» кокымшо фестивальышт эртен.

IMG_3945Икымше фестиваль (тудо 2015 ийыште лийын) писатель Г.-Х.Андерсенын творчествыжлан тичмашнек пӧлеклалтын ыле. Ты гана тӱрлӧ автор-влакын произведенийышт негызеш шындыме спектакль-влак ончыкталтыныт. Киров, Кстово, Ульяновск, Набережный Челна, Воркута олаласе курчак театр-влакын артистышт калык, жюри ончыко постановкыштым аклаш луктыныт. Спектакль-влакым йоча-влаклан веле огыл, кугыеҥ-шамычланат ончаш оҥай лийын. Йошкар-Оласе курчак театр, мутлан, кугурак ийготан йоча-влаклан да нунын ача-аваштлан «Жак и его слуга, или Как стать Людоедом» постановкым ончыктен. Спектакльым фестивальым торжественно почмо кечын оныктеныт. Моткоч чапле, оҥай, пашам ышташ, мутлан оза лияш туныктышо постановко. Тудын ончен, шукынжо шкенам ӧрдыж гыч могай улмынам ужына, шонем. Ти
де спектакль Курчак театрын репертуарыштыже ик эн виянлан шотлалтеш. Тудым маске комедий жанрыште шындыме. Тушто ончыкталтеш, кузе опкын, його койышлан айдеме Людоедыш савырна. Ты спектакльыште актёр-влакын мастарлыкыштым тичмаш ужаш лиеш. Шуко образ уло, но нуным ныл актер веле модеш. Жюри «Жак и его слуга, или Как стать Людоедом» спектакльым кӱкшын аклен, поснак Изан, принцессын да Люций пырысын рольыштым модмылан А.Деркачым да Жакын, оролын рольыштым модмылан Е. Сорокиным мокталтен. Актер-влак «Эн сай актер паша» номинацийыште палемдалтыныт, а спектакль «Художественный целостность» («Эн сай спектакль» номинацийым тыге лӱмденыт) номинацийыште сежак и его слугаҥышыш лектын.
Коми Республикысе кугыжаныш курчак театр «Сюрприз» спектакльымжюри ончыко луктын. Тигр игым модшо Н.Сергеева «Эн сай актер паша» да Крокодилым модшо С.Фурман «Кокымшо планан эн сай роль» номинацийлаште дипломым кучыктымо.

«Актер ансамбль» да «Эн сай музыкальный оформлений» номинацийлаште Ульяновскысе театр «Волшебный колодец» спектакльжылан палемдалтын. Кстово оласе театр «Кораблик, или куда приводят мечты» спектакль «Художественный оформлений» номинацийыште сеҥен.

Вич кече Марий Элысюрпризште илыше йоча-влаклан чынжымак кугу йомак пайрем лийын. Фестиваль кажне участникын, ӱдыр-рвезын чоныштыжо келге кышам коден. Мероприятийым вӱдышӧ йомакче Оле Лукойен мутшо дене келшыде ок лий: коштыктыза йолташ-влак, икышывыдам Курчак театрыш, юзо тӱняш.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: