"Шинчымаш кугорнышто" рубрик, 2017 ий, Кылме тылзын 10-шо кечыже

Йоча-влак модын, телевизорым ончен, автобусым вучат

Статьян авторжо Анастасия Эманова

Кодшо арнян У Торъял район Тошто Торъял селасе школышто спорт пайремым эртарыме нерген материалым возенна ыле. А таче школын илышыже, туныктышо, йоча-влакын сеҥымашышт дене палдарена.Торъял Ельмекеев2Тошто Торъял школышто 17 туныктышо пашам ышта. Директор – Иван Николаевич Ельмекеев. Марий шӱлышан пӧръеҥ вуйлатышын пашажым ынде ятыр ий шукта. Туныктышо коллектив тудым пагала, а йоча-влак Иван Николаевичым ача семынак йӧратат. «Школ ешем гай. Йоча-влак сайын тунемышт, чолга лийышт манын, чыла йӧным ышташ тыршена. Проект-влакым эреак возена. Школыштына 96 йоча тунемеш, 11 ньога икымше классыш коштеш», — ойла И.Н.Ельмекеев.

Директорын воспитатлыме паша шотышто алмаштышыже Татьяна Николаевна Торощина шке пашаж дене палдарыш. Тудо  социальный педагог. «1996 ий годсек школышто 

Торъял Ельмекеев Торъял комнатаыштем. Йоча-влак коклаште лияш йӧратем. Нурмо, Купсола, Нурӱмбал да моло ялла гыч икшыве-влакым автобус дене кондештарена. Тидлан мый вуйын шогем. Тылеч посна еш, неле йоча-влак дене пашам ыштем. Кызыт Торъял Торощина1учётышто шогышо ик йочат школыштына уке. Туныктышо, воспитатель да моло пашаеҥ-влакым шотлаш гын, школыштына 20 утла еҥ пашам ышта. Ӱмаште школ деке эше йочасадым ушеныт. Тушко 40 йоча коштеш, — манеш Татьяна Николаевна. — 2005 ийыште ме миллион теҥгеаш президентский грантым налынна. Ты окса дене компьюетр классым почмо, материально-технический базым саемдыме. «ЛУКОЙЛ» ОАО социальный проект-влак конкурсым эртара, эн сай проектым возышылан грантым пуа. 2014 ийыште тыгай грантым налынна да модмо пӧлемым ыштенна. Тушто телевизор, диван улыт. шахмат, шашке да моло тӱрлӧ модыш дене модаш лиеш. Тушко йоча-влак, урок деч вара толын, веселан жапым эртарен, автобусым вучат.

2016 ийыште «ЛУКОЙЛ» 150 тӱжемаш грантым пуэн. Окса дене кокымшо пачашыште историй залым ыштенна. Школ нерген 60 экземпляр книгам, ме тудым фотоархив книга манына, савыктен луктынна. Тидым ышташ полшымылан «Марий Эл» газет редакцийлан тауштена.

Школна пелен юнкор кружок уло. Занятий-влакым шочмо йылмым да литературым туныктышо Лидия Анатольевна Янгабышева эртара. Тунемше-влакын почеламут де ойлымашышт районысо «Сельская новь», тыгак «Ямде лий» газетлаште савыкталтыт. Тунемшына-влак чолга улыт. «Мурсескем» мурышо ансамбльна лийын. Тушко ӱдыр-влак коштыныт. Ӱмаште нуно школым тунем пытареныт, у составым эше чумырымо огыл. У Торъял посёлкышто Эрик Сапаев лӱмеш йоча сымыктыш школ уло. Мемнан школ пелен тудын пӧлкаже пашам ышта. Йоча-влак вокал, хореографий да семӱзгар класслаште тунемыт.

Кокымшо класслаш коштшо икшыве-влак «Чын кочмо нерген мутланымаш» кугыжаныш программе почеш кулинарный класслаш коштыт».  

Торъял МамаеваТошто Торъял школышто тунемше-влакын сеҥымашышт куандара. Туныктышо-влак шукышт дене кугешнат. Туныктымо да воспитатлыме паша шотышто алмаштыше Светлана Викторовна Мамаева йоча-влакын тунеммаштым эскеренак шога. «Мый тиде школымак тунем пытаренам. МарГУ-што тунемынам. Школышто ынде 23 ий тыршем. Эн ончыч тӱҥалтыш класслам туныктенам. Вара директорын воспитатлыме паша шотышто алмаштышыже лийынам. Йоча-влак, конешне, тӱрлӧ койыш-шоктышан улыт, южыж дене иканаште шотымат муаш огеш лий. Но нуно чылан чулым улыт. Икте тунеммаште ончылно гын, весе – спортышто, кумшо – усталыкше дене виян. Тунемшына-влак тӱрлӧ предмет дене олимпиадылаште шинчымашыштым эреак ончыктат. Кристина Косоротова физкультур дене республикысе  олимпиадыште кок ий почела призер лийын. Историй, обществознаний, марий йылме да литератур дене республик кӱкшытыш лектынна, чаманыман, сеҥыше радамыш логалын огынал».  Спортым моткоч йӧратат, тидыжым спорт пайремыште сайын пеҥгыдемденыт, шонем. Баскетбол, куштылго атлетике, ече дене тале улыт», - каласыш С.В.Мамаева.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: