"Рубрик деч посна", 2017 ий, Кылме тылзын 21-ше кечыже

Татьяна лӱман артистке да кок шочшан ава

Статьян авторжо Эльвира Терентьева

Шернур вел Шӱдымарий кундемын пӱртӱс лоҥгаштыже модын куржталше йочалан творческий шӱлышан лияш пӱренак докан. Тиде верыш кӧ миен гын, шӱм-чон кумылаҥдыше лукым шкежат шижын да ужын. Теве Лавраэҥер ялыште шочшо акак-шӱжарак Татьяна ден Эльвира Поповамыт калыкыште пагалыме еҥыш савырненыт. Кугуракше профессионал мурызо семын палыме гын, изиракше Йоча да самырык-влаклан театр-рӱдерыште артисткылан пашам ышта, тӱрлӧ сынан рольым, поснак лирический драмым, оҥайын келыштара. А йӱкшӧ могай яндар! Колыштат да мурызо лийшашлык манын шоналтет… А шкеже тидын нерген мом ойла гын?..

Ончем «Ачай, ачием» пьесе почеш шындыме спектакльым да Эльвира Попован «Ачай» мурыжлан возымо клипым шарналтем, шинча ончылнем ачашт сӱретлалтеш…

таня

- Ӧрдыж гыч чучеш: те акат дене коктынат ачада пелен кушкында, тудым чотрак йӧратеда. Тиде чын мо? Теве Эльвиран концертлаштыжат ачадам ужынам…

- Ачам ончылнырак манын ом сеҥе. Ава – тиде вуй. Ачана ден авана ешыште иктӧр шогат. Концертлашке ачана толеш, тудо мероприятийлашке кошташ йӧрата. Авана тыгодым суртоза семын мӧҥгыштӧ кодеш да суртсомылкам ышта. Ынде вич уныкан кова-коча улыт.

Авай ӱмыржӧ мучко ветеринарлан пашам ыштен, ачай колхоз председатель лийын, Шернур районысо «Восход» озанлыкым икмыняр жап вуйлатен. Такше профессийже дене – тракторист.

Ешыште нылытын кушкынна: кок ӱдыр да кок эрге. Алёша изам Москошто шке ешыж дене ила да сварщиклан пашам ышта. Саша шольым Йошкар-Олаште стройкышто тырша, ӱдырым эше налын огыл. А ме Эля дене Йошкар-Олаште илена.

- Шочмо сурт эн лишыл. Тидын нерген кажне гаяк спектакльыште шоналташ верештеш мо? Тушан ныл шочшо да вич уныка иктеш чӱчкыдын погынат мо?

- А Татьяна Попова мурызо тӱням шке сылне йӱкшӧ дене пойдараш ок шоно?

- Еш илышетымат палыме шуэш.

- Ешыштет артистке профессиет нерген мом шонат? Икшывет-шамыч ончыкылык пашашт нерген шонкалат мо?

- Икымше ролетше могай?

- Коло утла рольым чоҥенат. Икте гыч весыш куснаш вигак лиеш мо?

- Актрисе корным изиэт годымак ойыренат мо?

Валерий Григорьев (актёр, драматург):

- Зритель мом ончаш толеш? Эн ончычак тудо актёрын кап-кыл да чурий моторлыкшым ужеш да сылне йӱкшым колеш. Тыгак кузе модмыжым эскера, тидлан акым пуа. Артист ойыртемалтшаш, сай койышыжо лийшаш. Зинаида Долгова дене пырля возымо пьесе почеш шындыме пстановкышто тудо ик эн кугу, психологий шӱлышан рольым модеш. Тӱрлӧ характерым, чон куаным ден чон ойгым, почын пуэн моштен. Спектакльыште шке героиняжын илыш шонымашыже-влакым зрительлан намиен шукта. Мыняр гана автор семын ты пашам ончем, моткочак келша. Ты рольлан келшен толшо. Режиссёр Зинаида Долговат тудым почын пуаш полшен, шонем. Танян ты образым келыштарымыже калыкланат келшен. Мый театр-рӱдерыш икмыняр ий ончыч веле тольым, сандене ужам: ты ӱдыр икмыняр ий модын огыл гынат, шке формыжым йомдарен огыл да театр илышышкат писын пурыш. Тидыже артистын профессионал улмыжым ончыкта.

ТИДЕ ДА МОЛО ЙОДЫШЛАН ТАТЬЯНА ПОПОВА КУЗЕ ВАШЕШТЕН, 2017 ий 10 ноябрьысе номерыште лудса.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: