"Олимп" рубрик, 2017 ий, Теле тылзын 15-ше кечыже

Еш-влак таҥасеныт

Статьян авторжо Анастасия Эманова

9 декабрьыште Йошкар-Оласе индеш школышто «Мама, папа, я – здоровая семья» модмаш эртен. Тушто 3-4-ше класслаште тунемше йоча-влак да нунын ача-авашт тӱрлӧ конкурсышто писылыкыштым ончыктеныт.

5oMj7r1rCaA7-ше №-ан школышто ик тыгай таҥасымаш эртен. Тушто 7-ше, 12-шо, 15-ше №-ан школ-влакын да 4-ше №-ан гимназийын тунемшышт ача-авашт дене пырля таҥасеныт. Скакалке дене тӧрштылыныт, тӱрлӧ чаракым эртеныт. Еш-влак икоян улмыштым ончыктеныт. Эн виян Кондаковмыт еш лийын. Тудо 4-ше №-ан гимназийын чапшым арален. «Келшен илыше эн сай еш» посна номинацийыште Середамыт еш палемдалтын (15-ше №-ан школ). Командын лӱмжӧ «Витаминки» лийын. Костюмыштат моло дечын ойыртемалтын. «Сеҥымаш тӱҥ огыл. Пеш весела лийын. Таҥасыме деч вара куштымаш флешмобыш ушненна. Ешыштына спортым йӧратена. Телым чылан пырля ече дене коштына. Таза илыш-йӱлам кучена», — каласыш ава Роза Середа.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: