"Рубрик деч посна", 2018 ий, Пургыж тылзын 27-ше кечыже

Вуйлатышын стипендиаткыже

Статьян авторжо Ирина Степанова


Елена Газина

катяКатя Тазеева — Башкортостан Республикын Главажын стипендийжым налше 100 утла студент гыч иктыже.
Дӧртыльӧ районысо Йывачъял ялеш шочын-кушшо ӱдыр, тысе школым тунем пытарымек, Уфасе топливно-энергетический колледжыш тунемаш пурен. Кызыт 4-ше курсышто «Нефть ден газым перерабатыватлыше технолог» специальность дене шинчымашым пога. Тунемаш ӱдырлан пеш келша, ты специальность дене ончыкыжым пашам ышташ шона.

Кумшо курсышто улмыж годым тыршен тунемше студенткылан химий дене преподавательже Л.Ф.Зайнуллина «Самырык профессионал-влак» (WorldSkills Russia) конкурсыш ушнаш темлен. Ямдылалташ жап шагал лийын гынат, ӱмаште февральыште эртыше 2-шо региональный чемпионатыште марий ӱдыр 1-ше верым налын. Тидыже Катялан Чебоксарыште эртыше Приволжский округын отборочный турыштыжо вийым тергаш йӧным ыштен. Тушто тудо 3-шо верым налын.
Нине сеҥымашыже-влакым шотыш налын, Катя Тазеева 2017-2018-ше тунемме ийыште Президентский стипендиат лиеш.

«Тылеч вара мыйым да преподавателем Лилия Фаритовнам Екатеринбург олашке интерактивыш ӱжыч. Тушто мый «Лабораторный химический анализ» направлений дене дене мастер-классым ончыктенам. Тиде мероприятийыште самырык-влак коклаште кумдан палыме репер L’One лийын» ,- манеш ӱдыр.

А шукерте огыл Катя тыгаяк программе дене элнан рӱдолашкыже миен коштын. 28-ше ноябрь гыч 1-ше декабрь марте Москваште ВДНХ-ште вуз-влак кокласе «Самырык профессионал-влак» (WorldSkills Russia) чемпионатын финалже эртен. Ты гана шкеныштын профессиоанальный моштымыштым ончыкташ Российысе 77 вуз гыч 400 утла студент-бакалавр да самырык специалист-влак погыненыт. Катя Тазееват тушто лийын, уна семын ӱжалтын. Конкурсант да Москвасе кугурак-класслаште тунемше -влаклан химический анализым кузе эртарыме мастер-классым икмыняр гана ончыктен.
Елена Газина.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: