"Рубрик деч посна", 2018 ий, Пургыж тылзын 8-ше кечыже

Пайрем дене, шымлызына-влак!

Статьян авторжо Эльвира Терентьева

Марий Эл Республикыште Йылмым, литературым да историйым научнын шымлыше В.М.Васильев лӱмеш марий институтлан (МарНИИЯЛИ) кӧра марий да кундемыштына илыше моло калыкын шонымашыжым пален налаш, историйжым умылаш лиеш Эртыше жапым келгын шымлен, экономикыште, тӱвыраште, историйыште да моло сферыштат кугу ошкылым ышташ йӧн уло.

Институтын историйже 1930 ийыште тӱҥалын. 88 ий жапыште тушто да шуктымо направлений-влакын лӱмышт вашталтын гынат, ты институтлан ятыр кӱлешан пашам ӱшанат. А тыште кызыт пеҥгыде да шке сомыллан ӱшанле коллектив пашам ышта: 28 научный пашаеҥ. Тышеч 2 науко доктор да 20 науко кандидат, 8 еҥ — Марий Эл Республикысе наукын сулло деятельже. 2017 ий годсек ты институтым историй науко кандидат, С.Г.Чавайн лӱмеш кугыжаныш премийын лауреатше Е.П.Кузьмин вуйлата. Марнии1

Васильев лӱмеш

Институт 1983 ий годсек Валериан Васильевын лӱмжым нумалеш. «Ме ты лӱмлӧ шымлызым аклена, тудын шуктымо пашаже-влакым шымлена. Марий йылмызе-влак кокла гыч икымше науко доктор лийын. Ме палена: тудо шке кандидатлык диссертацийжым 1930-шо ийлаште возен, но аралаш репрессийысе пуламыр мешаен. Сандене Валериан Михайловичлан тудым ешарен возаш да угыч, манаш лиеш, аралаш логалын. Тиде каҥгарак капан айдемыште пӧръеҥын поян да кӧргӧ виян улмыжым ужына. Шуктымо пашажым, илышыжым радамлен, тудым шнуйлан шотлена да маяк семын волгалтарыше еҥ семын ужына», — каласыш Евгений Петрович.

Тений йылмышанчылан негызым пыштыше лӱмлӧ учёныйлан 13 январьыште шочмыжлан 135 ий теме. Тидым шотыш налын, институтын Учёный советше 2018 ийыште В.Васильевым шарнымелӱмеш шуко мероприятийым эртараш пунчалын. Кызыт барельеф сынан мемориал оҥам заказатлыме. Тудым институт ончылан вераҥдаш да Марий талешке кечын, 26 апрельыште, официальнын почаш шонат. Тыгак план почеш ты кечынак Васильев лудмаш конференцийлан тӱҥалтышым ышташ ончыктымо. Чынжымак, тиде талешкын лӱмжым Марий Элыште чапландарыман. Вет шочмо Тумна ялыштыже (Пошкырт кундем Янаул район) Валериан Васильев лӱмеш тоштер уло, учёныйым шарныме лӱмеш тушто ятыр мероприятийым эртарат. Нине паша-влак дене, мыйын шонымаште, марий наукышто ты шымлызын лӱмжым утыр волгалтарена да тудын деч тунемаш ятыр еҥыым кумылаҥдена. Тиде тыгак лийшаш.

МарНИИ

УМБАКЫЖЕ _ «Кугарня» газетын 9 февральысе номерыштыже.

МОЛО ФОТОГРАФИЙЫМ ОНЧЫЗА:

https://vk.com/id468024067?z=photo468024067_456239105%2Fwall468024067_4

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: