"Илыш йогын" рубрик, 2018 ий, Пургыж тылзын 27-ше кечыже

Мер пашам ворандарат

Статьян авторжо Эльвира Терентьева

Йошкар-Олаштеилыше шуко шочшан ача Сергей Машаев кок мер организацийыште тӱрлӧ пашам шукта.Тудо Российысе «Большая семья» мер организацийын Марий Эл Республикысе пӧлкам вуйлатышын алмаштышыже да тыштак юридический консультант. Ынде икмыняр ий «Всестилевая федерация боевых искусств» республикысе мер организацийыште(РОО)полышкала.

2018 ийыштеты кок организаций Россий Федераций Президент фондын грантшым сеҥен налын. Сергей Александрович – проект-влакын координаторжо. Тидын нерген С.А.Машаев теве мом каласкалыш:

- «Большая семья» мер организацийын проектше почеш Марий Элыште илыше шуко шочшан еш-влаклан юридический полышым яра налаш йӧн уло. 2017 ий декабрь годсек нуно тургыжландарыше йодышышт шотышто опытан адвокат Сергей Анатольевич Матвеев деч умылкалат. Кӧ тыгай йӧн дене пайдаланаш шона гын, 90-70-66 телефон дене ончылгоч возалтман.

Кызыт «Всестилевая федерация боевых искусств» республикысе мер организаций шуко шочшан еш гыч йоча ден студент-влаклан полшымо дене спорт занятий-влакым эртара. А кодшо ийын«Спортивный клуб по месту жительства» проектшепрезидент грант фондын конкурсыштыжо сеҥен. Сандене занятийлашкыже йоча-шамычлан яра кошташ йӧн ышталтын. Кызыт тидлан Йошкар-Олаште «Детство» рӱдерын залыштыже (Машиностроитель урем, 12 «а» пӧрт) верым айлат. Тазалыкым пеҥгыдемдыме шотышто 5-8 ияш икшыве-влаклан занятий-влак тений январь гыч эртаралтыт. Тидлан ача-авалан оксам тӱлымӧ огеш кӱл, сандене кумылан йочат ятырак. Ме тышке спортышто кӱкшӧ результатыш шуаш шонышо икшыве-влакым погенна. Тыгак тулык йоча, ача-ава деч посна кушшо икшыве-влак кроссфит, единоборстве занятийлашке коштын кертыт.

«Большая семья» мер организацийым 2015 ийыште шуко шочшан ешла гыч активист-влак чумыреныт. Нуно тӱрлӧ сомылым пырля шуктат. Кугыжаныш учреждений-влак, тыгай категориян еҥ-влак дене сайын пашам ыштышт манын, министерстве ден ведомство-влак дене идалык мучко тӱрлӧ пашам эртареныт.

МашаевыТы организацийын еҥже-влакым тӱрлӧ йодыш тугыжландара. Пытартыш жапыште Апшакплак ялыште пӧрт-влакым чоҥымо пашаште тӱрлӧ умылыдымашым кораҥдыме, 2017 ийыште шочшо икшыве-влаклан кугыжаныш деч оксам тӱлымӧ, школлаште кочкышлан тӱлымӧ шотышто тӱрлӧ инстанцийыш лектыныт. Чыла тидым мер организацийым вуйлатыше Наталия Викторовна Кублицкая виктара. Вич шочшан авалан нине йодыш-шамыч моткоч лишыл улыт.

«Всестилевая федерация боевых искусств» республикысе мер организаций гын вес сынанрак пашам ышта, йоча-влакым спортлан шӱмаҥда. Тудо шке пашажым 2011 ий годсек шукта. Тренерлан Александр Васильевич Шабердин тырша. Шкежат кум шочшан ача, сандене икшыве-влакым умыла да вияҥмаштышт кугун полша.

Сергей Машаев — ныл шочшан ача: пелашыж дене коктын ик ӱдырым да кум эргым ончен куштат. Ава ден ача йочаштлан лӱмым черет дене пуэденыт. Ава эрге-влаклан Фёдор ден Николай лӱмым пуэн гын, ачан марий калыкын шочшыжым куштымо шот дене ӱдырым Айкавий, эргым Аланай манын лӱмден. Авашт – медицине пашаеҥ, кызыт массажистлан тунемеш. А суртоза Сергей Александрович специальностьшо дене финансист да менеждер, икмыняр ий ончыч индивидуальный предприниматель семын мебельым, тӧрзам ышташ пашаеҥ-влакым поген.

Шуко шочшан еш-влак, пырля погынен, тӱрлӧ проблемым каҥашат, каныш кечылаште тӱрлӧ мероприятийым эртарат. Нине ача-ава-влак жапым пайдалын кучылтыт да ты шотышто шочшыштланат сай пример улыт. Тыге гына кӱ курык гай кугу проблеме деч утлаш каньылырак.

Эльвира Терентьева.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: