"Чон-кумыл паша" рубрик, 2018 ий, Ӱярня тылзын 2-шо кечыже

Кидпашам йӱдым ышта

Статьян авторжо Анастасия Эманова

Йоча дене шинчыше творчествылан кумылан шуко авам палем. Ик ава пидаш йӧрата, весе бисер дене тӱрлым ыштылеш, кумшо атлас тасма дене моторлыкым шочыкта. Звенигово район Красногорский поселкын шочшыжо, тыштак илыше Анастасия Павлова, ӱдыр-влакын образышт ныжылрак лийже манын, брошьым, алгам, ободокым, кидшолым да молымат ыштылеш. 

IMG_20170920_122534_547Настя йочаж годсек кидпашалан шӱман. Эн ончыч крючок дене салфетке-влакым, курчаклан тувырым пидын. Варажым фриформ технике дене сумкам пидаш тунемын. Но сӧрастарыме ӱзгар-влак чонжылан утларак куаным кондат. «Кидшолым, брошьым пижыкташ, но  чотшо чыла тидым шке кид дене «шочыкташ» йӧратем. Тӱрлӧ техникым келыштарен, пашам-влакым ыштем. Сутаж порсын шнур дене бижутерийым ямдылем. Бисер да шер гыч брошьым пидам. Полимерный шун дене тӱрлым ненчем, порсын шӱртӧ дене алгам ыштем. Канзаши техникым сайын палем. Атлас тасма дене пеледыш-влак мотор лийыт. Кызыт фомфлористике кумылем савырен. Фоамиран куэм дене пеледыш-влакым ямдылем. Улан тунемаш ом ӧркане. Мастарлыкым нӧлтыман. Ик техникылан тунем шумеке, весылан кумылаҥам.

2011 ийыште ӱдырем шочмеке, сутаж технике дене сӧрастарыме ӱзгар-влакым ышташ шоненам. Но тунам мемнан кевытлаште ты порсын шнурокым шагал вере ужалат ыле, а Интернет полшымо дене налаш ала-молан тунам лӱдынам. Садлан 1,8 мм лопкытан белорусский сутаж гыч ышташ логалын, а тудо20180208_132515 чоштыра, парням-влакым коштаренам. Икымше пашам келшенжат огыл да ты технике деч кораҥынам. А вич ий гыч кокымшо йоча шочмеке, сутаж да бисерым кучылтын, сӧрастарыме ӱзгар-влакым угыч ямдылаш тӱҥалынам. Утларакшым кастене «толашем». Кечывалым йоча-влак дене шинчем, сурт-IMG_20180108_003344_856сомылкам ыштылам. Кызыт кӱлеш чыла материалым Greenberd, Flamingo_mag, Lumi_art, Kaboshon.ru интернет-кевытлаште налам. Сваровски кристалл-влак Моско гыч толеш, украшений-влакым кӧргӧ велым ургаш вичкыж шӱштӧ – Турций гыч, а сутаж –  Архангельск ола гыч. Йошкар-Олаште лийме годым эреак фурнитурым ужалыме кевытлаш пурем да бисер, шер-влакым наледем», — манеш кидмастар.
Н.Павлова – творческий шӱлышан ӱдыр. Тудо сӱретлаш йӧрата, но эскиз-влакым шагал годым ямдыла. Чылажат пашам ыштыме годым шочеш. «Авам шке жапыштыже шуко урген да пидын. Икана, шарнем, икымше классыш кайыме деч ончыч, ава1517644577656ем йӱдвошт, вичкыж кружевам кучылтын, лыве дене сӧрастарыме ош фартукым урген. Кызыт тудо мыйын пашам эн ончыч аклыше да ужшо айдеме. Ыштыме ятыр сӧрастарыме ӱзгарем тудын шкатулкышт
ыжо кият,
— ойла Настя.

gjtyZJLPywUКидмастарын Вконтакте соцсетьыште «Украшения и аксессуары Анастасии Павловой PinkChoco» группыжо уло. Тушто тудын пашаже-влакым ужаш, ак шотышто пален налаш лиеш. «Йодмо почеш украшений-влакым ыштем. Шукыжо «Мый тылат ӱшанем, шке семынет ыште» манын ойлат. Ак шотышто чылажат пашан нелылыкше да материал гыч шога. Йолван алгам, мутлан, 350, 890-1200 да 1500-2100 теҥгелан ужалем.

Ончыкшым алгам але брошьым але эше иктаж-могай украшенийым ямдылыме шотышто мастер-классым эртарынем. Но кызытеш але тидлан кушкын шуын омыл шонем. Чон-кумыл пашам куаным конда. Жапем, кумылем, идей да кӱлеш чыла материал улыт гын, ик брошьым йӱд мучко ыштен шуктен кертам», - каласкала А.Павлова.uBrobleTXYk
Настян чаткан ыштыме сӧрастарыме арверже-влак шуко ӱдырлан келшен толеш. Можыч, йоҥылыш лиям, но мылам украшенийже-влак винтаж да эрвел стиль-влакым ушештарат. А тидыже кеч-кунамат эре аклалтеш, шонем.

Комментарий-влак: Але нигӧат комментарийым коден огыл, те икымше лийын кертыда.

Комментарийым ешараш:

Войти с помощью: